امریکا قوشمه ایالتلرینینگ مرکزی قوماندانلیگی (سنتکام)، ایران گه قرشی بو مملکت هجوملرینینگ ینگی تولقینی یکونلنگنینی معلوم قیلگن.
سنتکامنینگ بوگون (۲۵-سرطان/۱۶-جولای، پنجشنبه)، اکس صحیفهسیده یازیشیچه، ایران گه قرشی سونگی هجوملر تولقینیده بندر عباس و باشقه بیر قطار حدودلردهگی جایلرنی نشانگه آلیش اوچون انیق باشقریلهدیگن قورال-یراقلردن فایدهلنیلگن.
امریکا قوشمه ایالتلرینینگ مرکزی قوماندانلیگیگه کوره، اوشبو عملیاتده ایراننینگ ساحلی کوزهتوو قوریلمهلری، قوماندانلیک مرکزلری، هوا مدافعه تیزیملری و راکته همده پهپادی امکانیتلری نشانگه آلینگن.
شونینگدیک اوتگن کون امریکا، ایران گه قرشی هجوملری اویوشتیریلیشیدن مقصد هرمز بوغوزیده کیمهلر اوتیب-قیتیشی بوییچه تهدید اوچون بو مملکت امکانیتلرینینگ کمهیتیریش دیب معلوم قیلگن ایدی. شونینگدیک ایران هم اوتگن کونلرده، امریکا هجوملریگه جواب بحرین، کویت و اردن شامل منطقهده اوشبو مملکت پایگاهلرینی نشانگه آلگن.
