امریکا قوشمه ایالتلرینینگ جمهور باشلیغی دونالد ترامپ، ناتو باش کاتبی مارک روته بیلن ملاقاتیده، ژورنالیستلرنینگ سوالیگه جواباً، ایران بیلن توزیلگن صلح توگهگنینی معلوم قیلدی.
ترامپ، بوگون (۱۷ سرطان/۸ جولای، چهارشنبه کونی) تورکیه پایتختی انقره شهریده شمالی اتلانتیک تشکیلاتیگه اعضا دولتلر باشلیغلرینینگ ییغیلیشی دایرهسیده، بو تشکیلات باش کاتبی مارک روته بیلن اوچرهشدی.
اوشبو اوچرهشووده، ترامپ ژورنالیستلرنینگ سوالیگه جواباً شوندهی دییدی: «مین اوچون ایران بیلن توزیلگن صلح توگهگن.»
دونالد ترامپ گه کوره، امریکا و ایران اورتهسیدهگی اوروش گه چیک قوییش اوچون توزیلگن صلح توگهگن و تهران بیلن همکارلیک قیلیشگه علاقهسی یوق.
امریکا هرمز بوغوزیده ایران تامانیدن سودا کیمهلریگه ضربه بیریلیشیگه جواباً، بو مملکت جنوبی حدودلریده ۸۰ دن آرتیق مرکز گه هجوم اویوشتیرگنینی ایتگن. شونینگدیک ایران اسلام انقلابی قورقوچیلری هم اوشبو مملکتنینگ دینگیز و هوا کوچلری امریکانینگ بحرین و کویتده ۸۵ ته حربی پایگاهلریگه راکته و دران آرقهلی ضربه بیرگنینی معلوم قیلگن بیرحالده، ترامپ بوندهی سوزلرنی ایتگن.
