جاپان پایتختی توکیو شهریده «تاما حیوانات باغی»ده جزیرمه ایسیق عاقبتیده اوچ ارسلان (شیر) تلف بولگن.
ییتکرمهلرنینگ معلوماتیگه کوره، توکیو شهریده «تاما حیوانات باغی»ده بیر هفته ایچیده اوچ یاشدن ۱۵ یاشگچه بولگن اوچ اورغاچی شیر اولگن. دستلبکی معلوماتلر، اولر کوچلی سووسیزلنیش و کوپ اعضالر ییتیشماوچیلیگیدن اذیت چیکنینی کورستگن.
تاما حیوانات باغیده بوندهی حالت بیرینچی بار کوزهتیلگنی ایتیلگن.
معلوماتلر گه کوره، جاپانده بو یاز موسمی دوامیده ایسیق اوریشی سببلی ۴۳ مینگدن آرتیق کیشی شفاخانه گه یاتقیزیلگن. حکومت، اهالینی احتیاط چارهلرینی کوریشگه چقیریب، ایشچیلر گه رسمی کییم اورنیگه یینگیلراق لباسلرده ایشلشنی توصیه قیلگن.
