بلخ ده محلی مسئوللر نینگ ایتیشلریچه، کوچلی قار یاغیشی و هوا نینگ ساووقلیگی طفیلی اوشبو ولایت نینگ تورلی تومنلریده سکیز مینگدن آرتیق چاروه تلف بولگن.
بلخ ولایت مقامی نینگ ییتکرمهلر مرکزی بیر خبرنامه ترقهتیش بیلن ایتیشیچه، سونگی یاغینگرچیلیکلر طفیلی اوشبو ولایت نینگ بیر قطار تومنلریده ۸ مینگ ۸۳ باش چاروه تلف بولگن.
بیزلرنینگ فیسبوک صحیفهمیزگه باش اورینگ!
ولایت مقامی نینگ معلوماتی اساسیده، بلخ ولایتی نینگ چمتال، مارمل و البرز تومنلریده، چاروهدارلردن کوپ قطاری کوپینچه زیان کورگن.
شوندهی بیرحالده، اوشبو ولایت نینگ دهدادی، کشنده، چارکنت، کلدار و شورتیپه تومنلریده هم هوا نینگ ساووقلیگی، کوچلی قار یاغیشی و چاروهلر گه آزوقه ییتکزیب بیره آلمسلیک نتیجهسیده، چاروهلر تلف بولگن.
عین حالده، بلخ ولایتیده محلی رسمیلر نینگ ایتیشلریچه، شاشلینچ بیر کمیته ایجاد قیلیش بیلن، زیان کورگن عایلهلر گه خذمتلر ارائه بولیشی و اولر گه یاردم بیریلیشی خصوصیده سعیوحرکت قیلماقدهلر.
بلخ حاکمی سوزلاوچیسی عطاالله زید نینگ ایتیشیچه، ییگولیک ماده بیلن بیر قطار یاردملر یانیده، مذکور تومنلردهگی چاروهلر گه آزوقه هم یوبارگنلر.
بیزلرنینگ «ایکس» ترماغی ده هم تعقیب قیلینگ!
ایتیش کیرهک که، افغانستان ده سونگی یاغینگرچیلیک، مملکت نینگ بیر قطار بولیملریده تلفات گه سبب بولگنی بیرحالده، بیراق اسلام امیرلیگی سرپرست حکومتی دایم احتمالی زیانلر آلدی آلینیشی خصوصیده سعیوحرکتی نی بیان قیلگن.