فاریاب ده محلی مسئوللر نینگ ایتیشلریچه، اوشبو ولایتده کوچلی قار یاغیشی نتیجهسیده، بیر کیشی اولیب و یوزلب باش چاروه تلف بولگن.
فاریاب حاکمی سوزلاوچیسی عصمتالله مرادی نینگ ییتکرمهلر گه ایتیشیچه، مذکور ولایت قیصار تومنیده کوچلی قار یاغیشی نتیجهسیده، بیر ایرکک هلاک بولگن.
بیزلرنینگ «ایکس» ترماغی ده هم تعقیب قیلینگ!
فاریاب حاکمی سوزلاوچیسی نینگ کوپهیتیریشیچه، قار یاغیشی و هوا نینگ ساووقلیگی نتیجهسیده، پشتونکوت، قیصار و قرمقول تومنلریده یوزلب باش چاروه تلف بولگن.
گزارشلر اساسیده، باشقه بیر قطار ولایتلرده هم قار و یامغیر یاغیشی و شونینگدیک قتیق ساووق، یشاوچیلر نینگ اولیمی و چاروهلر نینگ تلف بولیشی گه سبب بولگن.
اسلام امیرلیگی سوزلاوچیسی ذبیحالله مجاهد گه کوره، بیش ولایتده کوچلی قار یاغیشی، چاروهلر نینگ تلف بولیشی گه سبب بولیب و شونینگدیک کوپینچه چاروه هم تلف بولیش خوفی آستیده قرار تاپگن.
اسلام امیرلیگی سوزلاوچیسی نینگ کوپهیتیریشیچه، بو بحران نینگ حل قیلیش اوچون اسلام امیرلیگی باش وزیری محمدحسن آخوند نینگ بویروغی اساسیده، شاشلینچ و مخصوص بیر جلسه یولگه قوییلگن.
بیزلرنینگ فیسبوک صحیفهمیزگه باش اورینگ!
اونینگ اورغولشیچه، مذکور جلسهده زیان کورگن ولایتلرده حاکملر ریاستیده قولاردولر نمایندهلری، امنیه قوماندانلیکلری، فواید عامه و ساغلیقنی سقلش ریاستلری و باشقه خذمت کورستووچی ادارهلر نینگ حضوری بیلن بیر کمیته قوریلیشی گه قرار آلینیب، تیزلیککه و کوچلری ییتگونگه قدر، برچه امکانیتلریدن فایدهلنسینلر.
شونینگدیک ذبیحالله مجاهد گه کوره، یاردم بیریش خصوصیده اسلام امیرلیگی باش وزیرلیک دفتری آرقهلی ۵۰ میلیون افغانی اختصاص بیریلگن.