کرونا ویروسی افغانستان نینگ اوزاق منطقه‌لریده حیات کیچیره‌دیگن‌لرنی هم تهدید قیله‌دی، بیراق کوپ قطار اهالینی بو ویروس خصوصیده هیچ‌قنده‌ی معلوماتی یوق دیر.
فاریاب ولایتیده حیات کیچیره‌دیگن کوچی‌لردن ایکی ته‌سی شیرگل و خان‌آغا افغانستان و ترکمنستان چیگره‌سیده تیریک‌چیلیک قیله‌دی. اولرنینگ سلام‌وطندارگه ایتیش‌لریچه، ولایت مرکزیدن اوزاقده بولگنی و نهادلر تامانیدن معلومات بیریلمه‌گنی سبب، کرونا ویروسی خصوصیده هیچ‌نر‌سه بیلمه‌یدیلر.
فاریاب ولایتی بوییچه کوچی‌لر کینگشی باشلیغی محمدگل نورخیل نینگ ایتیشیچه، فاریاب ولایتیده حیات کیچیره‌دیگن کوچی‌لردن ۸۰ فایزینی کرونا ویروسی خصوصیده معلوماتی یوق و حاضرگه‌قدر اولرگه معلومات بیریلمه‌گن.
شونینگدیک، فاریاب ولایتیده کوچی‌لر ایشلری بوییچه آمری ذبیح‌الله نینگ سلام‌وطندارگه ایتیشیچه، فاریاب ده تیریک‌چیلیک قیله‌دیگن کوچی‌لرگه کرونا ویروسی خصوصیده هیچ‌قنده‌ی معلومات و یاردم بیریلمه‌گن.
اونینگ کوپه‌یتیریشیچه، حاضرده، کوچی‌لردن کمیده ۴۰ ته‌سی کرونا ویروسیگه چلینگن و اوز اویلریگه بستر بولگنلر.
بیراق، فاریاب ولایتی بوییچه ساغلیق‌نی سقلش ریاستی باشلیغی نعیم مصمم نینگ سلام‌وطندارگه ایتیشیچه، سیار بیر تیم هر هفته کوچی‌لر تیریک‌چیلیک قیله‌دیگن منطقه‌لرده باریب اولرگه کرونا ویروسی خصوصیده معلومات بیریب و ساغلیک بسته‌لر توزیع قیله‌دی.
کوچی‌لر آمریتی مسوول‌لری نینگ ایتیش‌لریچه، کرونا نینگ ایکینچی موجی جریانیده کوچی‌لرگه دقت بولمه‌گن صورتده، اولرنینگ جدی قیین‌چیلیکلر بیلن روپه‌ره بولیشی ممکن.
