بیرلشگن ملتلر تشکیلاتی، غزه ده تینچاهالی اولدیریلگنینی قارهلب و بو منطقهدهگی ساغلیقنی سقلش قوریلمهلرنینگ سقلهنیشینی سورهگن.
بیرلشگن ملتلر تشکیلاتی باشکاتبی سوزلاوچیسی اورینباسری فرحان حقنینگ ایتیشیچه، جولای آییده ۱۵۰ دن آرتیق فلسطینلیک غزه ده اسرائیل آرقهلی اویوشتیریلگن هجوملرده قربان بولگن.
اونینگ کوپهیتیریشیچه، بو رقم جاری ییل باشیدن بویان قید ایتیلگن اینگ کوپ آیلیک قربانلر سانی حسابلنهدی.
شونینگدیک فرحان حق، اسرائیلنینگ الاقصا کسلخانهسی یقینیده جایلشگن طبی جهازلر انباریگه اویوشتیرگن هجومیدن خواطر بیلدیریب و اورغولشیچه، ساغلیقنی سقلش قوریلمهلرنینگ نشانگه آلینمسلیگی کیرهک.
بیرلشگن ملتلر تشکیلاتی باشکاتبی سوزلاوچیسی اورینباسری، غزه بویلب طبی ذخیرهلر جملهدن شکر کسللری اوچون انسولین و یورهک کسللری اوچون نیاز بولگن دارولر کمهیگنیدن آگاهلنتیرگن.
اونگه کوره: «یوقمه کسللیکلرنی کنترول قیلیش و آلدینی آلیش بوییچه نیاز بولگن جهازلردن عبارت کوپینچه یوک، غزه گه اوتیش اوچون اسرائیلنینگ تصدیقینی کوتیب تورگن.»
اسرائیل و حماس آرهسیده آتیش کیسین برقرار بولیشی بیلن، نوار غزهنینگ بیر قطار بولیملریده اسرائیل هجوملری دوام قیلماقده.
