بیرلشگن ملتلر تشکیلاتی بیلرمانلری، ینه بیر مرته غزه ده آواره فلسطینلیکلرگه قرشی اسرائیل هجوملری توختهتیلیشی و شونینگدیک باسیب آلینگن کرانهی باختریده جبری شکلده کوچیریلیشگه چیک قوییلیشنی سورهگن.
بیرلشگن ملتلر تشکیلاتینینگ بشر حقوقی کینگشی آرقهلی اوتگن کون (۲۴-حمل/۱۳-اپریل، دوشنبه)، صادر بولگن بیانیهده بیلرمانلرنینگ ایتیشیچه، وقتینچهلیک باشپنهلر و خیمهلرده حیات کیچیرهدیگن تینچاهالی جدی خوفلر جملهدن آچلیک، ساووق اورمه، سوو تاشقینلر و دستلبکی خذمتلر یوقلیگی بیلن روپهرهلر.
شونینگدیک اولر باسیب آلینگن کرانهی باختری بویلب «جبری شکلده کوچیریلیش کوپهیگنی» دن تنقید قیلگن.
بیرلشگن ملتلر تشکیلاتی بیلرمانلری، اسرائیلدن کرانهی باختری ده جبری کوچیریلیش اقداملریدن برچهسینینگ یکونلنیشی و آواره فلسطینلیکلرنینگ تینچ شکلده قیتیشی قولیلشتیریلیشینی ایستهگن.
بیرلشگن ملتلر تشکیلاتی بشر حقوقی ادارهسینینگ گزارشی اساسیده، ۲۰۲۵-ییلده شهرچه قوریلیش ناقانونی فعالیتلر کوچهیشی طفیلی ۳۶ مینگدن آرتیق فلسطینلیک جبری شکلده آواره بولگن.
آتیش کیسین بولگنی بیلن، اسرائیل نوار غزه بویلب هجوملریگه دوام بیریب و اونینگ نتیجهسیده، یوزلب کیشی اولیب و یرهلنگن.
