خلقارا ییتکیرمهلر نینگ معلوماتی اساسیده، غزه ده اسرائیل و حماس اورتهسیده دوام ایتهیاتگن اوروش ده فلسطینلیک ۱۰ مینگ دن آرتیق باله قربان بولگن.
بیرلشگن ملتلر تشکیلاتی نینگ بالهلر دن حمایت قیلووچی صندیغی (یونیسف)، غزه ده قریب بیر مینگ باله بیر یا که ایکی ایاغینی قول دن بیریب و عمر بویلب ساغلیق مراقبتلر گه محتاج بولیب قالگنلرینی معلوم قیلگن.
بیزلرنینگ فیسبوک صحیفهمیزگه باش اورینگ!
فلسطین ده بالهلر دن حمایت قیلووچی نهاد مدیری نینگ ایتیشیچه، غزه ده حماس و اسرائیل آرهسیده اوروش باشلنگندن بیری، اسرائیل نینگ ییر و هوا هجوملری عاقبتیده هر کونی اورته روشده ۱۰۰ باله جان بیرگن.
عینحالده، بالهلر دن حمایت قیلووچی نهاد (save the children) گه کوره، غزه اوروشی ده ساغ قالگن بالهلر، کوتیلمهگن دهشت نی تحمل قیلماقدهلر.
غزه ده اوروش طفیلی اولگنلر نینگ ۴۰ فایزی نی بالهلر تشکیل بیرهدی.
بیزلرنینگ «ایکس» ترماغی ده هم تعقیب قیلینگ!
اوتگن ییل ۷-اکتوبر دن بیری، غزه ده حماس و اسرائیل آرهسیده دوام ایتیب کیلهیاتگن دهشتلی اوروش ده حاضرگچه، ۳۰ مینگ کیشی هلاک بولگن.
معلوماتلر گه کوره، اوروش طفیلی انسانی تلفات علاوه حاضرگچه چمهسی ۳۷۰ مکتب، ۹۴ کسلخانه بوزیلگن.