اسلام امیرلیگی سوزلاوچیسی ذبیحالله مجاهد، چین و پاکستاننینگ مخصوص وکیللری آرقهلی بیان بولگن خوفسیزلیک خواطرلریگه عکسالعمل بیلدیریب و ایتیشیچه، افغانستان بویلب امنیت تامین بولیب و هیچ بیر کیشی یا-ده گروه گه افغانستان توپراغیدن باشقه مملکتلرگه قرشی فعالیت یوریتیشگه رخصت بیریلمهیدی.
ذبیحالله مجاهدنینگ بوگون (۱۳-اسد/۴-اگست، سهشنبه)، سلاموطندار گه ایتیشیچه، امنیت توغریسیده افغانستان اورنی بیللی بولیب و بو مملکت اونینگ توپراغیدن مملکتلرگه قرشی فایدهلنیشگه رخصت بیرمهیدی. «مملکت بویلب امنیت تامینلنگن. اوز باشیمچهلیک هیچ گروهگه بو ییرده فعالیت قیلیشگه رخصت بیریلمهیدی و هیچ بیر مملکت گه قرشی افغانستان توپراغیدن تهدید یوق. مملکتلردن قطاری افغانستان برابریده تشویشنی یرهتهدی که اوزلریگه تیگیشلی دیر. مملکتلرنینگ ایچکی موضوعلری اوزلریگه باغلیق دیر.»
بو بیانات، پاکستان مخصوص وکیلی محمدصادق، اسلامآباد ده چین مخصوص وکیلی یو شیائو یونگ بیلن اوچرهشیب و منطقه امنیتی همده سونگی اوزگریشلر حقیده صحبت قیلگنیدن کیین، بیان بولگن.
محمدصادقنینگ کوپهیتیریشیچه، ایکی تامان اونینگ فکریچه افغانستان حدودیدن فعالیت یوریتهدیگن پاکستان طالبلر تحریکی و شرقی تورکستان اسلامی جنبشی طفیلی تهدیدلر توغریسیده فکر بیلدیریب و تهدیدلر بیلن قرشی کورهش اوچون ایکی تامانلمه هماهنگلیک کوچهیشیگه کیلیشگنلر.
شوندهی بیرحالده، حربی ایش بیلرمانلردن قطارینینگ ایتیشلریچه، کابل و اسلامآباد آرهسیدهگی تورلی قرهشلر دوامی، مذاکرهلر، ایشانچنی مستحکملش و واسطهچیلر همده خلقارا نهادلرنینگ رول اوینهشیگه نیازی بار.
حربی ایش بیلرمان اسدالله ندیمنینگ ایتیشیچه: «اوچینچی تاماننینگ بو توغریده قرار آلیشی کیرهک. پاکستان ادعاسینینگ حقیقتی بولگنی صورتده، افغانستان بونی قبول قیلیشی کیرهک که بو رقم افغانستان منفعتی اوچون پاکستان خواطری حل بولسین؛ لیکن بو ادعا اساسسیز بولسه، بو توغریده خلقارا بیر نهادنینگ ارهلشی کیرهک.»
شونینگدیک بوندن آلدین هم، پاکستان رسمیلری نیچه مرته افغانستان توپراغی طفیلی خوفسیزلیک تهدیدلردن خواطر بیلدیرگن؛ لیکن اسلام امیرلیگی رسمیلری دایم بو ادعالرنی رد قیلیب و هیچ بیر کیشی یا-ده گروهگه باشقه مملکتلرگه قرشی افغانستان توپراغیدن فایدهلنیشگه رخصت بیریلمسلیگیگه اورغولهگن.
