امریکا و ایران آرهسیده تینچلیک کیلیشوویگه ایریشیلگنیدن بیر کون اوتیب، بو مملکت جمهور باشلیغی دونالد ترامپنینگ ایتیشیچه، ایران هیچ قچان هستهای قورالگه ایگه بولمسلیکنی قبول قیلگن.
ترامپ، دوشنبه کیچه «تروت سوشل»، اجتماعی ترماغیده یازیشیچه، ایران گه امریکا آرقهلی پول تولهنیش حقیدهگی گزارشلر اساسسیز دیر. امریکا جمهور باشلیغیگه کوره، «ایران هیچ قچان هستهای قورالگه ایگه بولمسلیکنی قبول قیلدی. شونینگدیک امریکا ایران گه ۳۰۰ میلیون دالر تولهشی توغریسیدهگی خبرلر، دموکراتلر آرقهلی ترقهتیلگن ساخته معلوماتلر دیر.»
بوندن آلدین ترامپنینگ ییریک مصلحتچیلریدن بیری خبرچیلرگه، امریکا ایران بیلن موزلهنیب قالگن سرمایهلرنی آزاد ایتیش احتمالی، تحریملر کمهیشی همده اوشبو مملکتنی قیته تیکلیش بوییچه ۳۰۰ میلیون دالرلیک ییریک بیر صندیقنینگ تشکیل ایتیش مسئلهسی توغریسیده مذاکره آلیب بارگنینی ایتگن ایدی.
ایران و امریکا آرهسیدهگی تینچلیک کیلیشووی تفصیلاتی حاضرگچه ترقهتیلمهگن؛ لیکن هر بیر مملکت الکترونیکی امضا و اونینگ اَیریم قاعدهلریگه اعتبار قرهتیش بیلن، اوزلرینینگ سیاسی یوتوقلرینی تانیشتیریشگه حرکت قیلگنلر.
