هرات ولایت مقامی مطبوعات ادارهسینینگ اعلام قیلیشیچه، جاری میلادی ییل باشلنگنیدن حاضرگچه اوشبو ولایتنینگ قول توقیمه ۱۰ مینگ مترمربعدن آرتیق قالینی جرمنیگه صادر بولگن.
هرات ولایت مقامی مطبوعات ادارهسینینگ بوگون (۳۱-سرطان/۲۲-جولای، چهارشنبه)، اکس صحیفهسیده بیر بیانیه ترقهتیب یازیشیچه، مذکور یوکلرنینگ عمومی صادارت ارزشی ۱۰۳ مینگ دالر دیب بهالنگن.
بیانیهده کیلیشیچه، هراتنینگ قول توقیمه قالینی یوقاری صفت، اصل نقش-نگارلر و عنعنوی شکلده توقیلیش سبب، دنیا بازارلریده مخصوص اورینگه ایگه دیر.
شونینگدیک هرات ولایت مقامی مطبوعات ادارهسینینگ اورغولشیچه، بو ولایت محلی ادارهسی قالین توقیش صناعتینی قوللب-قوتلش و ایچکی همده تشقی بازارلر رواجلنیشی زمینهسینی یرهتیش بیلن، اوشبو محصول صاداراتی کوپهیشیدن حمایت قیلهدی.
بوندن آلدین اسلام امیرلیگی باش وزیرینینگ اقتصادی اورین باسرلیگی، افغانستاننینگ قالین توقیش صناعتیده مستقیم و نامسقیم طرز ده بیر میلیون کیشینینگ ایش بیلن شغللنگنینی معلوم قیلگن ایدی.
بو نهادنینگ معلوماتی اساسیده، افغانستان اوتگن قمری ییلده ۷۶۰ مینگ مترمربعدن آرتیق قالیننی تشقی بازارلرگه صادر قیلگن؛ بو صادرات ارزشی ایسه قریب ۱۴ میلیون دالرگه ییتیشهدی.
