مذکور کورکزمه «رقص قلم» هنری گروه تامانیدن افغانستان عیال‌لری و اوشبو گروه نینگ استعداد‌لریدن حمایت قیلیش اوچون یولگه قوییلگن.
مذکور کورکزمه نینگ یولگه قوییگن مرتضی خاوری نینگ ایتیشیچه، اوشبو کورکزمه‌ده ۴ عیال بیلن بیر ایرکک نینگ ۵۰ نقاش‌لیک اثری نمایش گه قوییلگن که اوشبو اثرلردن کوپ قطاری‌ده تاریخی و مقدس جای‌لر نینگ تصویرلری بار.
بیزلرنینگ توییترده هم تعقیب قیلینگ!
جناب خاوری نینگ کوپه‌یتیریشیچه، سونگی ییل‌لرده نقاش‌لیک بولیمی‌ده‌گی علاقه‌مندلر سانی کمه‌یگنی بیرحالده، بیراق ینه هم اوقووچی قیزلر و ییگیت‌لردن قطاری اوشبو هنر نینگ اونوتیلمس‌لیگی اوچون سعی و حرکت قیله‌دیلر. جناب خاوری گه کوره، نمایش گه قوییلگن اثرلردن برچه‌سی پنسل بیلن رئال شکلده ایشلنگن.
اوشبو گروه اعضالریدن زهرا نجفی نینگ ایتیشیچه، قیز مکتب‌لری نینگ یاپیلگنیدن کیین، استعدادی نی ایش گه تشلش اوچون نقاش‌لیککه یوز کیلتیرگن. بانو نجفی گه کوره، شو رقم کورکزمه‌لر نینگ یولگه قوییلیشی اولر نینگ تعلیم بولیمی‌ده بولگن استعداد و حرکت‌لری نی کورسته‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، مذکور کورکزمه گه شرکت قیلگن هرات معلومات و مدنیت ریاست رئیسی نعیم‌الحق حقانی نینگ ایتیشیچه، اسلامی امارت اسلامی مدنیت اساسیده بولگن بوتون اجتماعی و فرهنگی فعالیت‌لردن حمایت قیله‌دی و شو کبی کورکزمه‌لر نینگ کوپه‌یشی نی ایسته‌یدی.
جناب حقانی گه کوره، شو رقم کورکزمه‌لر نینگ یولگه قوییلیشی ییگیت‌لر نینگ استعداد‌لری خصوصیده فایده‌لی دیر.
