علامه فیضانی مدنی مرکزی، بوگون کابل ده خیابانی کتاب کورکزمهسی نی یولگه قوییدی. مذکور کورکزمه نی یولگه قوییگن مسئوللر نینگ ایتیشلریچه، اوشبو کورکزمهده هر تورلی کتاب موجود دیر و مملکتده کتاب اوقیش کلتوری نی رواجلنیشی اوچون یولگه قوییلگن.
اولر نینگ ایتیشلریچه، کتاب کورکزمهسی اوچ کونگچه دوام قیلهدی و شونینگدیک پایتخت یشاوچیلری تقاضا قیلگنلری صورتده، بیر نیچه کونگچه دوام قیلیشی مملکن.
بیزلرنینگ فیسبوک صحیفهمیزگه باش اورینگ!
علامه فیضانی مدنی مرکز مسئولی عبدالباقی ایوبی نینگ سلاموطندار گه ایتیشیچه، مملکتده سیاسی اوزگریشلردن کیین، کتاب اوقیش و مطالعه درجهسی کمهیگن.
شوندهی بیرحالده، خیابانی کتاب کورکزمهسی گه شرکت قیلگن کیشیلردن قطاری، اوشبو کورکزمه نینگ یولگه قوییلگنیدن خورسندلیک بیلدیریب و اسلامی امارتدن، مملکتده کتاب اوقیش کلتوری نینگ رواجلنیشی اوچون سعی و حرکت قیلیشلری نی سورهگنلر.
بیزلرنینگ توییترده هم تعقیب قیلینگ!
مذکور کورکزمه گه شرکت قیلگنلر گه کوره، مطالعه و کتاب اوقیش درجهسی نینگ کمهیگنی، مملکتده اجتماعی، مدنی و سیاسی قیینچیلیکلر نینگ ایجاد بولیشی گه سبب بولگن.
کتاب ساتووچیلر نینگ ایتیشلریچه، اسلامی امارت نینگ قدرت گه ایریشگنیدن کیین، کتاب ساتیش بازاری تنزل گه یوز توتگن. اولرنینگ ایشانچلری گه کوره، مکتبلر نینگ یاپیق قالگنی، اهالی نینگ کتاب آلیش اوچون کوچی ییتیشمهگنی و شونینگدیک یاش ییگیتلر نینگ اجتماعی ترماقلر گه کوپراق علاقه تاپگنلری، مطالعه نینگ کمهیگنی گه سبب بولگن.