کابل ده تورکیه ایلچیخانهسی، اوز اکس صحیفه‌سیده بیر بیانیه ترقه‌تیش بیلن اوتگن کونی قندوز ده اویوشتیریلگن خودکش هجومنی قاره‌له‌گن.
اوشبو ایلچی‌خانه‌نینگ یازیشیچه: «قیغو بیلن قندوز ده اویوشتیریلگن هجوم نتیجه‌سیده کوپینچه کیشی‌نینگ اولیب و یره‌لنگنی‌دن خبر بولدیک و بو واقعه‌نی قاره‌لب، قربانی‌لر عایله‌لری بیلن قیغوداشلیک بیلدیره‌میز..»
شونینگدیک کابل ده تورکیه ایلچیخانهسی، قربانی‌لر عایله‌لری بیلن قیغوداشلیک قیلیب، یره‌لنگن کیشیلر‌نینگ تیزراق ساغه‌یشی‌نی تیله‌گن.
بیزلرنینگ «ایکس» ترماغی ده هم تعقیب قیلینگ!
سه‌شنبه کونی ساعت ۰۸:۳۵ اطرافیده، بیر خودکش هجومچی قندوز شهریده جایلشگن «کابل بانک» نماینده‌لیگی یقینیده اوزنی پارتلتگن.
قندوز امنیه قوماندانلیگی سوزلاوچیسی جمعه‌الدین خاکسار، اوشبو واقعه نتیجه‌سیده بیش حربی و تینچ اهالی جمله‌دن بانک قوریقچیلری، قربان بولیب و باشقه ییتّی کیشی یره‌لنگنی‌نی بیان قیلگن.
اسلام امیرلیگی باش وزیری محمدحسن آخوند، ۲۳-دلو، سه‌شنبه کونی قندوزده اویوشتیریلگن خودکش هجومنی، اسلام و بشریت یاولری‌نینگ ایشی دیب اته‌گن.
بیزلرنینگ فیسبوک صحیفه‌میزگه باش اورینگ!
ارگ، اوتگن کون ایکس صحیفه‌سیده بیر بیانیه ترقه‌تیب، اسلام امیرلیگی باش وزیری اوشبو واقعه طفیلی قربان بولگنلرنینگ عایله اعضالری بیلن قیغوداشلیک بیلدیرگنیدن خبر بیرگن.
مذکور هجوم مسئولیتی داعش تن آلیب و بو واقعه‌ده اونلب کیشی‌نینگ اولیب و یره‌لنگنی نی بیان قیلگن.
داعش گروهی‌گه تیگیشلی اعماق آژانسی‌نینگ یازیشیچه، مذکور گروه خودکش هجومچیسی اسلام امیرلیگی اعضالری آی‌لیکلرینی آلیش مقصد بانک برابریده ییغیلگنلری پیتده، اولرنی نشان‌گه آلگن.
