بوگون غزنی ده صوتی کتاب‌خانه آچیلدی. مذکور کتاب‌خانه نینگ اساسچیلری که اکثریتی کوزدن عاجز ییگیت‌لر دیر سلام‌وطندار گه ایتیشلریچه، فزیکی کتاب‌خانه‌لر گه نسبتن صوتی کتاب‌خانه دن قوللش قولی‌راغ دیر.
اولر گه کوره، سوادسیز کیشی‌لر، کوزدن عاجزلر و باله‌لر اوشبو صوتی کتاب‌خانه دن قوللنه آله‌دیلر. بو کتاب‌خانه ده تورلی بولیم‌لرده ۲۰۰۰ جلد کتاب موجود دیر که اساسچیلری اونینگ باییتیش مقصدیده سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
مذکور کتاب‌خانه آچیلیشیدن مقصد، آز خرجت بیلن مطالعه فرهنگی نهادینه بولیشی و جهل گه قرشی کوره‌ش دییلگن.
کوزدن عاجز محمدرضا ذهین، کوزدن عاجزلر اوز معلومات‌لرینی باییتیش اوچون صوتی کتاب‌خانه‌لرنی اونملی دیب و باشقه ولایت‌لرده هم بو گَل کتاب‌خانه‌لر آچیلیشینی سوره‌یدی.
بیزلرنینگ توییترده هم تعقیب قیلینگ!
جناب ذهین نینگ ایتیشیچه، باشقه ییگیت‌لر یاردمی بیلن علاقه‌مندلری اوچون باشقه صوتی کتاب‌لرنی تولید قیلیش مقصد تلاش قیلماقده‌لر. ایتیش کیره‌ک که، صوتی کتاب‌خانه نینگ خرجتی و محدودیتی کم و آز خرجت بیلن ترقه‌تیش ممکن.
