بوگون ۳ ثور (۲۳ اپریل) خلق‌ارا کتاب کونی‌گه ماس دیر. شو بیلن مملکتده‌گی کتاب ساتووچیلردن قطاری نینگ ایتیشلریچه، افغانستانده سیاسی اوزگریش‌دن کیین کتاب فروش‌لیک بازاری تنزل‌گه یوز توتگن.
اولر مکتب‌لر یاپیق قالگنی، اقتصادی قیینچیلیک و یاش‌لر نینگ اجتماعی ترماق‌لرده بولگن علاقه‌لرینی، کتاب بازاری تنزل گه یوز توتیش یگانه عاملی عنوان قیله‌دیلر.
جوی‌شیر کابل کتاب فروش‌لیک اتفاق باشلیغی محمداکبر عظیمی نینگ ایتیشیچه، اسلامی امارت قدرت‌نی قولگه آلیشی بیلن، اهالی نینگ کتاب اوقیشلیککه نسبتن علاقه‌سی کمه‌یگن.
بیزلرنینگ فیسبوک صحیفه‌میزگه باش اورینگ!
عین‌حالده، سونگی اوزگریش‌لر کابل نینگ عامه‌وی کتاب‌خانه فعالیتی اوستیگه تاثیر قیلگن، اوشبو کتاب‌خانه نینگ نیچه کتاب‌خوانلیک تالاری بولسه‌ده بیراق سان_سناقلی کیشی‌لر بو ییرده کیله‌دیلر.
کابل عامه کتاب‌خانه آمری فتح‌الله وافی نینگ سلام‌وطندار گه ایتیشیچه، اولرنینگ مملکت بویلب ۹۶ کتابخانه‌لری بار و افغانستانده کتاب‌خوانلیک کلتورینی رواجلنتیریش مقصدیده سعی و حرکت قیلماقده‌لر.
انه شوحالده، قطار طلبه‌لر نینگ ایتیشلریچه، سونگی اوزگریش‌لر و اهالی نینگ اقتصادی وضعیتی آغیرلشی طفیلی، کتاب علاقه‌مندلری و کتاب اوقیش کمه‌یگن. باشقه تاماندن طلبه‌لردن بیرقطاری، حاضرگی شرایط‌ده کتاب اوقیشنی جدی نیاز دیب و رواجلنتیریلیشی اوستیگه تأکید ایته‌دیلر.
بیزلرنینگ توییترده هم تعقیب قیلینگ!
کابلده‌گی طلبه‌لردن بولمیش رعنا نینگ ایتیشیچه، کیله‌جگیگه نسبتن امیدوار دیر. او یاش‌لردن موجود قیینچیلیکلرگه تن بیرمسلیکلرینی طلب قیله‌دی. رعنا اسلامی امارت‌دن یاشلرگه مطالعه شرایطی یره‌تیلیشی اوچون کتاب‌خانه‌لر ایجاد ایتیشنی سوره‌یدی.
ایتیش کیره‌ک که افغانستانده اسلامی امارت حاکم بولیشی بیلن، فرهنگ ساحه‌سیده‌گی کیچیک کسبه‌کارلردن قطاری، اقتصادی بحران باعث فعالیتدن قالگن. اوتگن هفته «پُل‌سرخ فرهنگی مرکزی» اقتصادی قیینچیلیک باعث برچه کتاب‌لرینی لیلام قیلگن ایدی.
