پروان بیلیم یورت طلبه‌لری نینگ خطی اثرلری «سماع قلم» نامی آستیده بوگون اوشبو بیلیم یورت نینگ تیل و ادبیات فاکولته‌سیده یولگه قوییلگن.
مذکور کورکزمه گه اشتراک قیلگن پروان بیلیم یورت رئیسی محمدعزیز کاظم نینگ ایتیشیچه، بیلیم یورت‌لر تشبث و انگیزه ییری دیر. اونینگ ایتیشیچه، خوشبختانه بوگون اوشبو بیلیم یورت‌ده خلاق طلبه‌لردن بیر قطاری نقاشلیک و یازمه هنرلری نی نمایش گه قوییگنلر.
بیزلرنینگ فیسبوک صحیفه‌میزگه باش اورینگ!
جناب کاظم نینگ کوپه‌یتیریشیچه، علمی نهاد‌لر ایشلب چیقاریش، اختراع قیلیش و هنری اثرلر یره‌تیله‌دیگن مرکز دیر. او فاکولته‌لر رهبرلریدن طلبه‌لر فکر و ذهن‌لری نی ایشگه تشلنیشی اوچون خلاق طلبه‌لر نینگ تشویق قیلینیشی نی ایسته‌دی.
شونده‌ی بیرحالده، پروان بیلیم یورتی نینگ تیل و ادبیان فاکولته رئیسی محمدشعیب فرهمند نینگ ایتیشیچه، اوشبو کورکزمه‌ده قیز و ایرکک طلبه‌لردن قطاری نقاشلیک و یازمه هنرلری نی نمایش گه قوییگنلر.
بیزلرنینگ توییترده هم تعقیب قیلینگ!
عین حالده، پروان بیلیم یورتی فارسی تیل و ادبیات فاکولته‌سی نینگ ۴-صنف طلبه‌سی و اوشبو کورکزمه نینگ یولگه قوییگنلردن بیری نوشیروان عادل نینگ سلام‌وطندار گه ایتیشیچه، اوشبو کورکزمه‌ده‌گی نمایش گه قوییلگن اثرلردن کوپینچه‌سی اونگه عاید بولیب، نستعلیق، شکسته نستعلیق، نسخ یازمه‌سی، شکسته یازمه‌سی و ثلث قالبی‌ده دیر که، یازیلیب و رنگ اِیتیلگن.
جناب عادل نینگ کوپه‌یتیریشیچه، بوگون یولگه قوییلگن کورکزمه‌ده ۶۷ قلم اثر نی نمایش گه قوییگنلر. شونینگدیک او، کیله‌جکده ۷ رقم خط نی ملی و خلق‌ارا سطحی‌ده نقاشلیک قیلیب و نمایش گه قوییش نی نظر گه آلگن.
