بوگون (یکشنبه، ۱-اسد)، هرات ده «دست به دست» نهادی آرقه‌لی بیر میلیون ۲۰۰ مینگ دالر خره‌جت بیلن افغانستان عضوی زعفرانینی ییتیشتیریش پروژه (قرمز آلتین)، باشلنیب و بیش ییل‌گچه تطبیق بولیشی ممکن.
«دست به دست» نهادی مسئولی خالد ودان نینگ سلام‌وطندار گه ایتیشیچه، اوشبو پروژه ایکینچی‌لر نینگ کوپینچه درآمد گه قول تاپیشی، تولیدی شرکت‌لر اوچون ماس بازار، صادارت و «ISO» تامانیدن تصدیق‌لنگن و اورگه‌نیک زعفران کیفیتی کوپه‌یشی مقصد باشلنگن.
اونینگ کوپه‌یتیریشیچه: «۱۰۲ میلیون دالر خره‌جت بیلن زعفران نی ییتیشتیریش و ایشلب چیقاریش پروژه‌سی، دنمارک آرقه‌لی تمویل و بیش ییل‌گچه تطبیق بوله‌دی. حاضر ایسه تولیدی شرکت‌لر آرقه‌لی دهقان‌لر بیلن ایشله‌یمیز.»
بیزلرنینگ توییترده هم تعقیب قیلینگ!
هرات ایکینچی‌لیک، سووغاریش و چاروه‌چیلیک ریاستی مسئوللری نینگ ایتیشلریچه، ایکینچیلردن اینیقسه زعفران تولیدی خصوصیده، هر تامان‌لمه شکلده حمایت قیله‌دیلر.
هرات ایکینچی‌لیک ریاستی نینگ ایکینچی‌لیک بولیمی آرمی بصیر‌احمد طبیب نینگ ایتیشیچه، افغانستان دن تشقی‌ده زعفران اوچون کورگزمه و ماس بازار یوقلیگی، اونینگ بهاسی نینگ کمه‌یشی گه سبب بولگن.
اونینگ کوپه‌یتیریشیچه: «زراعتی هر محصول اوچون مارکیت اولویت‌ده دیر و هرات ده زعفران بازاری نینگ حاضرگی وضعیتی، اوتگن ییل کبی دیر؛ بیراق مملکت‌دن تشقی‌ده بازار تاپیلگن صورت‌ده، ماکیت‌ده قیمای کوپه‌یه‌دی.»
هرات ده زعفران تولید قیلووچیلردن قطاری، اوشبو ولایت‌ده زعفران ساتیش بازاری نینگ کمه‌یگنی‌دن خواطر بیلدیرگنلر.
هرات نینگ پشتون‌زرغون تومنیده زعفران تولیدقیلووچیلردن عبدالرزاق پشتون‌زرغونی نینگ ایتیشیچه، یشاوچیلر زعفران ایکینی نینگ مدرن شکلده ایکیلیشی خصوصیده کوپ علاقه‌لری بار؛ بیراق اونینگ زعفران و اونینگ پیازی بهاسی قویی قیلگنی سبب، اولر کوپراق زعفران ایکه آلمه‌گنلر.
اونینگ کوپه‌یتیریشیچه: «افغانستان ده کرونا ویروسی نینگ ترقه‌لیشی و سیاسی اوزگریش‌لردن کیین،افغانستان‌دن تشقی گه صادرات و پول انتقالی خصوصیده تشقی شرکت‌لر بیلن رابطه‌لر کمه‌یگن.»
بیزلرنینگ فیسبوک صحیفه‌میزگه باش اورینگ!
هرات ده ایکینچیلردن جلیل‌احمد کریمی نینگ ایتیشیچه، اوتگن ییل، زعفران تولیدی کوپه‌یگن ایکن؛ بیراق اونینگ پیازی بهاسی ایسه کمه‌یگن.
اونینگ کوپه‌یتیریشیچه: «تولید قیلووچی بیر کیشی صفتیده، افغانستان زعفرانی نی کیفیت و کمیت نطقه نظردن، یوقاری کیتیشی نی و باشقه مملکت‌‌لر زعفرانی بیلم رقابت قیلیشی اوچون سعی و حرکت قیله‌من.»
اوتگن ییل، هرات ده ییتی مینگ ۸۵۰ هکتار ییردن قریب ۲۱ تُن زعفران تولید بولگن؛ بیراق صادارت یوقلیگی سبب، اونینگ بهاسی کمه‌یگن.
