بوگون ۷ جون آزیق – اوقات خلق‌ارا کونی بیلن تینگ، آزیق اوقات خلق‌ارا کونی بوییل «تینچ ییمک و تینچ ساغلیق» شعاری بیلن نشانلَنه‌دی، بیراق افغانستانده آزیق- اوقات خلق‌ارا کونیدن شونده‌ی بیرحالده، نشانلنه‌دی که اوشبو مملکتده ۲۰ میلیون‌گه یقین کیشی ییترلی آزیق اوقات‌گه قول تاپمه‌آلمه‌یدیلر.
عین‌حالده، اندراگاندی کسلخانه‌سی داخله بولیمی پروفیسورلری نینگ سلام‌وطندارگه ایتیشلریچه، مملکتده یوز بیرگن سونگی اوزگریشلردن کیین افغانستان یشاوچیلری نینگ اقتصادی وضعیتی یامانلشگن و مملکت یشاوچیلریدن کوپینچه‌سی قشاقلیک و یوقسیلک بیلن روپه‌ره دیرلر.
بیزلرنینگ فیسبوک صحیفه‌میزگه باش اورینگ!
اندراگاندی کسلخانه‌سی داخله بولیمی نینگ مسئولی پروفیسیور محمد عارف حسن‌زی نینگ ایتیشیچه، قشاقلیک و اقتصادی قیینچیلیک سبب کوپینچه عایله‌لر ییترلی و سالم آزیق- اوقات گه قول تاپه‌آلمه‌یدیلر.
اونینگ کوپه‌یتیریشیچه، باله‌لیک دوره اونیب – اوسیش دروه‌سی دیر باله‌لر ییترلی و سالم ییمکلر بیلن تغذیه بولیشی کیره‌ک.
پروفیسور حسن‌زی گه کوره، باله‌لر ییترلی و سالم ییمک بیلن اوقاتلَنمه‌گن صورتده تورلی کسلیلکلر و خصوصاً توییب اوقاتلنمس‌لیک کسلیگیگه چلینه‌دیلر.
شونده‌ی بیرحالده، قیزیل یریم خاج تشکیلاتی نینگ افغانستان بوییچه، رئیسی اولوی فیلیون نینگ توییتر صحیفه‌سیده یازیشیچه، افغانستانده اقتصادی بحران نینگ کچله‌نیشی قشاقلیک و یوقسیلیک نینگ کوپه‌یشی‌گه سبب بوله‌دی، او دنیا جماعه‌سیدن افغانستانده‌گی بشری بحران‌گه نقطه قویشینی سوره‌گن.
بیزلرنینگ توییترده هم تعقیب قیلینگ!
مذکور تشکیلات رئیسی نینگ ایتیشیچه، افغانستان یشاوچیلری آزیق- اوقات‌گه قول تاپیش اوچون هر کون اویلریده‌گی اوسکونه‌لرینی ساته‌دیلر.
بوندن آلدین مذکور نهاد افغانستانده‌گی قشاقلیک و یوقسیلیکنی خواطرلی عنوان قیلیب و افغانستان یشاوچیلریگه ییترلی درجه‌ده انسان‌سیورلیک یاردم ییتکیزیلیشینی سوره‌گن ایدی.
باشقه بیرتاماندن افغانستان آزیق- اوقات و دوا-دارو ملی اداره‌سی افغانستان یشاوچیلریگه بو توغریده مالی فنی یاردم بیریلیشی نی سوره‌گن.
مذکور اداره باشلیغی عبدالباری عمر نینگ ایتیشیچه، اولر ییقین وقتده آزیق- اوقات تینچلیگی خصوصیده معلوماتی بیر مرکز ایجاد ایتیش گه قرار آلگنلر.
ایتیش کیره‌ک دیر که بوندن آلدین خلق‌ارا آزیق-اوقات دستوری افغانستان یشاوچیلریدن ۹۵ فایزی ییترلی آزیق- اوقات‌گه قول تاپمسلیکلری خصوصیده آگاه‌لنتیرگن ایدی.
