بیرلشگن ملتلر تشکیلاتی نینگ افغانستان بوییچه انسان سیورلیک یاردملرنی هماهنگ قیلوچی‌سی رامز الاکبروف نینگ ایتیشیچه، افغانستان یشاوچی‌لرینی آزیق آوقات تنقیص‌لیگی و توییب آوقاتلنمس‌لیک تهدید قیلماقده و «افغانلر بیر نسلی نینگ تقدیری بوتونله‌ی خطر بیلن روپه‌رو دیر.»
او اوتگن کون بیر بیانیه ترقه‌تیب ایتیشیچه، کیسکین آچلیکنی تجربه قیله‌یاتگن بیرقطار یشاوچی‌لر ۲۰۲۱- ییل جنوری آیده ۱۴ میلیون کیشی دن ۲۰۲۲ ییل نینگ مارچ آیده ۲۳ میلیون گه کوپه‌یگن دیر و بو وضعیت کوپنیچه عایله‌لرنینگ امید سیزقیلوچی عمل‌لر جمله‌دن، اوچ وقت‌دن بیروقت نان ایمس‌لیک و عایله اعضالری جانی نی قوتقریب معیشت قلیش‌لری اوچون قرض آلیش‌گه زورلنگن.
بیزلرنینگ فیسبوک صحیفه‌میزگه باش اورینگ!
مذکور بیانیه گه کیلیشیچه، حاضر افغانستان نینگ جمعیتی‌دن ۹۵ فیزی ییترلی درجه‌ده توییب ییمک ییمه‌یدیلر و بو رقم عیاللر باشقروچی عایله‌لرگه ۱۰۰ فایزگه ایشته‌دی؛ «بو رقم تصور قیلیشگه توغری ایمس دیر.»
بیرلشگن ملتلر تشکیلاتی انسان سیورلیک یاردملر نینگ هماهنگ قیلوچی مسئولی نینگ کوپه‌یتیریشیچه، افغانستان حاضر قورغاقچیلیک بیلن روپه‌رو دیر و اونی یانیده جاری ییلده بانگی بحران کیسکین شکلده کوپه‌یگن دیر. بو ضعیت افغانستان یشاوچیلری نینگ ۸۰ فایزینی قرض آلیش گه زورلگن، شونینگدیک آزیق آوقات و ارتزاقی ماده بهاسی یوقاری کیتگنی اولرنی کوپینچه قیینچیلیکلربیلن روپه‌رو قیلگن دیر.
شونده‌ی بیرحالده اونینگ کوپه‌تیریشیچه، بیرلشگن ملتلر تشکیلاتی افغانستان یشاوچیلریگه انسان سیورلیک یاردملرینی توپلش اوچون کیله‌سی ایکی هفته‌گچه برتانیا، آلمان وقطر میزبانلیگی بیر ییغین یولگه قوییشی ممکن.
الاکبروف عضو بولگن مملکت‌لردن افغانستان یشاوچیلریگه انسان سیورلیک یاردملرنی دوام ایتیریشلرینی سوره‌گن، « یالغیز انسان سیورلیک یاردملر افغانستان یشاوچیلری نینگ حاضرگی وکیله‌جک نیازمندلیکلرینی قاندیریش اوچون ییترلی ایمس دیر. بیراق اهالی‌نی سالم و تیریک اسره‌شیمیز کیره‌ک.»
بیزلرنینگ توییترده هم تعقیب قیلینگ!
بیانیه‌ده کیلیشیچه، ۲۰۲۲- ییل بیرلشگن ملتلر تشکیلاتی نینگ شیریکلری ۸.۲ میلیون کیشی‌نی حیات نی قوتقریش اوچون آزیق آوقات جمله‌دن شاشلینچ ییمک، فصلی آرقه‌داشلیک، مدرسه‌لرگه باله‌لر آزیق آوقاتینی تامینلش، ایکینچی‌لرگه اوروغ و کود کبی ایکینچیلیک اوسکونه‌لرینی تامینلش و حیوانلرینی آزیق آوقاتی، آنه‌لر و ینگی توغیلگن باله‌لرگه مغذی ییمک ترقه‌تیش پروسه‌دن آرقه‌داشلیک قیلگن‌لر.
