سرپل ده دوپی تیکووچی عیاللردن بیرقطاری نینگ ایتیشلریچه، «زری دوزلیک و اوند دوزلیک دوپی‌لر» سرپل‌لیک عیاللر نینگ نفیس قول صناعتی بولیب و سونگی ییل‌لرده اوشبو قدیمی صناعت تنزل گه یوز توتیب و سوداسی کمه‌یگن.
سرپل‌لیک عیاللر گه کوره، بوندن آلدین زر دوزلیک و اوند دوزلیک دوپی‌لر نینگ بازاری یخشی ایدی بیراق حاضر مذکور صناعت اورنینی خارجی دوپی‌لر ایگللب آلگن و ۷۰ فایز دوپی تیکووچی عیال وظیفه‌لرینی ترک ایتگن.
بیزلرنینگ فیسبوک صحیفه‌میزگه باش اورینگ!
سرپل‌لیک دوپی تیکووچی گلنار اسملی عیال نینگ ایتیشیچه: «شو دوپی نینگ نرخی ۱۵۰ و ۲۰۰ افغانی ایدی حاضر هیچ کیم ۳۰ افغانی هم ساتیب آلمه‌یدی، غریب‌لیک یوق حیران قالگن‌میز، کوزدن عاجز بیر قیزیم بار دوپپی تیکووچیلیک بیلن او نینگ نفقه‌سینی تأمین‌لر ایدیم و حاضر هیچ نرسه بولمه‌یدی.»
شونینگدیک، سرپل‌لیک دوپی تیکووچی عیاللردن باشقه بیری شهنازه گه کوره: «کسبی‌میز زر دوزلیک دوپی تیکیش دیر، بوندن آلدین زری و اوند دوزلیک دوپی‌لرنی ۱۸۰ و ۱۵۰ افغانی ساتر ایدیک، اوشبو دوپی‌لر ایپینی ۲۰ افغانی ساتیب آله‌میز و حاضرگی نرخی حتا ایپی اوچون ییترلی ایمس، کمبغل من بیز گه یاردم بیریلیب و ایش فرصت‌لری یره‌تیلیشینی ایسته‌یمیز.»
سرپل معلومات و مدنیت ریاستی مسئوللری، اوشبو صناعت برابری ده‌گی قیینچیلیک‌لرنی قبول قیلسه ده، بیراق مذکور صناعت نی اسره‌ش اوچون برچه تامانلمه سعی‌وحرکت قیلیش‌لریدن ایشانچ بیره‌دی.
سرپل معلومات و مدنیت باشلیغی فخرالدین عمیرسرپلی گه کوره، هر قوم نینگ رسم‌ورواجی و عنعناتی دن حمایت قیله‌دیلر و افغانستان شمالی ده اوزبیک خلقی اینیقسه سرپل‌لیک‌لر گه عاید اوشبو قدیمی صناعت گه مناسب بازار تاپیب و قیته دن رواجلنتیریش اوچون سعی‌وحرکت قیله‌دیلر.
او نینگ کوپه‌یتیریشیچه: «معلومات و مدنیت ریاستی و اسلام امیرلیگی رسمی‌لری، هر قوم نینگ شریعت گه تینگ رسم‌ورواجی و کلتوری رواجلنیشی اوچون، بار توانی بیلن حمایت قیله‌دی»
بیزلرنینگ توییترده هم تعقیب قیلینگ!
اقتصادی ایش بیلرمان‌لر نینگ ایشانچی گه کوره، خارجی نرسه‌لر حد دن آشه وارد ایتیلیشی عیاللر نینگ قول صناعتی اوستیگه سلبی تأثیر قیلیب و بو کبی وارد ایتیلیش‌لر اونگی آلینیشی کیره‌ک.
اولر نینگ ایتیشلریچه، بوتوغریده دولت و مسئول نهادلر قدیمی مذکور صناعت رواجی اوچون یخشی ریجه و مناسب بازار قیدیریش‌لری کیره‌ک.
