کرونا ویروسی دنیا بوییچه بوتون انسان‌لرنینگ تیریک‌چیلیگی اوستیگه سلبی تاثیر قویگن، بیراق باشقه‌لرگه قره‌گنده افغانستان عیال‌لری بو ویروس‌دن کوپراق زیان کورگن.
فاریاب ولایتی بوییچه صناعت و سوداگرلیک ریاستی باشلیغی نینگ ایتیشیچه، افغانستانده دواملی اوروش‌لر باعث، کوپ قطار عایله‌لرنینگ خره‌جتی‌نی عیاللر تامین‌له‌یدی و کرونا ویروسی، فاریاب ولایتیده صناعتچی عیال‌لرنینگ تیریک‌چیلیگی اوستیگه سلبی تاثیر قویگن.
جناب عظیمی‌گه کوره، فاریاب نینگ قول صناعتی دنیا گه شهرت تاپگن و کوپراغی عیاللر تامانیدن تیارلنیب بازارگه عرضه قیلینه‌دی، بیراق کرونا ویروسی بو صناعت‌گه قرشی قیین‌چیلیک یره‌تگن.
فاریاب ولایتی بوییچه صناعت و سوداگرلیک ریاستی باشلیغی نینگ ایتیشیچه، گلیم و قالین توقیش بیلن شغل‌لنگن عیاللردن ۹۰% کرونا ویروسی سبب، ایش‌لرینی قولدن بیرگن.
مهرماه و گلدانه قالین توقیش بیلن اقتصادی قیین‌چیلیک‌لرینی حل قیله‌ریکن، بیراق کرونا ویروسی چیقگنیدن سونگ، شغل‌لرینی قولدن بیرگن.
اوشبو عیال‌لرنینگ ایتیش‌لریچه، حاضرده قالین و گلیم‌نی بازاری یوق و اولر تولیدات‌لرینی ساته آلمه‌یدیلر.
شغل‌لرینی قولدن بیرگن اوشبو عیال‌لرنینگ کوپه‌یتیریش‌لریچه، قالین و گلیم نینگ توقیشی‌گه نیچه کیشی‌نی یاردم بیریشی لازم، بیراق کرونا ویروسی سبب، اولر توپله‌نیب فعالیت قیله آلمه‌یدیلر.
بوندن آلدین فاریاب محلی مسوول‌لری، کرونا ویروسی سبب، ایش‌لرینی قولدن بیرگن کیشی‌لرگه ملی دسترخوان آرقه‌لی یاردم بیریلیشی‌نی بیلدیرگن ایدی.