بادغیس حاکمی حسامالدین شمس نینگ ایتیشیچه، طالبان گروهی نظارتلریده بولگن منطقهلرده «وطنسیورلیک و حیات مهارتی» مضمونلرینی تعلیمی نصاب دن چیقارگن و اوشبو مضمونلرنی تدریس ایتیلیشی اوچون اوقیتووچیلرگه رخصت بیرمهیدی.
بادغیس حاکمی نینگ کوپهیتیریشیچه، معارف وزیرلیگی نینگ تعلیمی نصابیگه کوره، وطنسیورلیک مضمون مکتبلرنینگ فرعی تعلیمی مضمونلری جملهسیدن دیر. او، طالبان نینگ بو حرکتیدن تنقید قیلیب و معارف وزیرلیگیدن وطنسیورلیک مضموننی اصلی مضمونلر جملهسیدن قرار بیریشینی سورهگن.
جناب شمس گه کوره، ایران و پاکستان مملکتلریده وطنسیورلیک مظمون جدی شکلده بالهلرگه تعلیم بیریلهدی و انهشوو سبب، اولر مکتبلر، کسلخانهلر و جادهلرینی تخریب قیلمهیدی.
بادغیس حاکمینی طالبانگه خطاب ایتیشیچه، پاکستان استخباراتی نینگ روحانیلری تامانیدن تدریس ایتیلهدیگن مذهبی کتابلر چیککهسیده وطنسیورلیک مضمونلرنی هم اوقیگن بولسه ایدیلر، ۲۰۱۹- ییلده ۱ میلیارد دالر ارزشگه ایگه بولگن عامالمنفعه جایلرنی تخریب قیلمس ایدی.
عینحالده، ۲۰۷ ظفر قول اردو قومندانی خیالنبی احمدزی نینگ اوتگن “پنجشنبه” کونی ۱۳۰ طالبنی تینچلیک جریانیگه قوشیلش پیتیده ایتیشیچه، طالبان گروهی جادهلر، کسلخانهلر، مکتبلر و تینچ اهالینی هدف قرار بیریش بیلن افغان بولمهیشلرینی اثبات قیلگن.
شونینگدیک، مملکت غرب زونی یشاوچیلری نینگ طالباندن تنقید قیلیب ایتیشلریچه، اوشبو گروه پاکستان و ایران بویروغی آرقهلی افغانستاننی تخریب قیلیش اوچون سعی و حرکت قیلهدی.
طالبان گروهی حاضرگهقدر بوتوغریده فکر بیلدیرمهگن.