افغانستان اهالی‌سی نینگ اسلامی حزب رهبری ینگی‌لیکده افغانستان انترنشنل رادیو‌سی بیلن اوتکزگن صحبتی‌ده طرف‌دارلریدن مسالمت‌آمیز کوریشلر گه دوام بیریش‌لری نی سوره‌گن. او، مذکور اوچره‌شووده کوپه‌یتیریشیچه، حاضر اسلامی امارت بیلن اوروشیش اوچون هیچ قنده‌ی برنامه‌سی یوق.
محقق اسلامی امارت‌دن، دوحه کیلیشوو‌نامه‌سی نینگ بیر بولیمی بولگن همه‌شمول حکومت ایجاد ایتیلیشی گه عملی قیلیشلری نی سوره‌گن. اونینگ ایتیشیچه: «مسالمت‌آمیز کوریش‌لرینگیز نی افغانستانده دوام بیرینگ. اوروش اوچون هیچ قنده‌ی برنامه‌میز یوق. اولر [اسلامی امارت]دن هم جنجل قیلمه‌یشلری نی توصیه قیله‌میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلامی امارت سوزلاوچیسی اورین باسری بلال کریمی سلام‌وطندار بیلن اوتکزگن سوزلشووده محمد محقق نینگ سونگی سوزلریدن خوش قرشیلب و سیاسی رهبلردن افغانستانده گی‌موجود قیین‌چیلیکلر نی اسلامی امارت بیلن همکارلیک قیلیب حل قیلیشلری نی ایسته‌یدی.
جناب کریمی گه کوکلم فصلی ییتیب کیلیشی بیلن اوروشلر باشلنیش توغریسیده‌گی خواطرلریگه اشاره قیلیب ایتیشیچه، حاضر فزیکی عملی اوروشلر یوزبیریش امکانی یوق و شونینگدیگ هیچ بیر کیشی یا گروه گه افغانستانده‌گی تینچلیک نی بوزیش اوچون رخصت بیریلمه‌یشی ممکن.
عین‌حالده، سیاسی ایش بیلرمانلردن قطاری افغانستان وحدت حزبی نینگ رهبری محمد محقق نینگ سونگی سوزلری حقیده ایتیش‌لریچه، حاضر افغانستان اوروشی نینگ گلیمی ییغیلگن و اهالی باشقه اوروش قیلیش اوچون کوچی یوق.
بیزلرنینگ توییترده هم تعقیب قیلینگ!
بیلیم یورت اوقیتووچیسی و سیاسی ایش بیلرمانی محمد اضطرابی نینگ ایتیشیچه، جناب محقق پوپولیست و الدمچی رهبرلردن آرقه‌داشلیک قیلمه‌یشلرینی درک قیلگن دیر. اونگه کوره، کوکلم موسمی کیلیشی بیلن افغانستانده هیچ قنده‌ی اوروش باشلنمه‌یدی. اونینگ کوپه‌یتیریشیچه، غرب حاضر اوکراین و منطقه گه تیگیشلی موضوع‌لر بیلن مصروف دیر و افغانستانده اوروشنی باشلش اوچون حرکت قیلمه‌یشی ممکن.
ایتیش کیره‌ک که اسلامی امارت افغانستانده حاکم بولگنیدن کیین، افغانستان سیاسی و قومی رهبرلریدن قطاری جمله‌دن مارشال عبدالرشید دوستم، محمد محقق، عطا محمد نور و کریم خلیلی افغانستان‌نی تشقی مملکتلر سبب، ترک قیلگنلر.
