تشقی ایشلر وزیرلیگی سرپرستی امیرخان متقی، بوگون کابل ده یولگه قوییلگن مراسم‌ده ایتگن که، دنیا جماعه تامانیدن افغانستان نینگ اونوتیلیشی، دنیا اوچون هیچ منفعتی یوق. او، اسلامی امارت نینگ قیته قدرت گه ایریشگنی نینگ بیرینچی ییل‌لیگی نی نشانلش مناسبتی‌ده یولگه قوییلگن ییغین‌ده ایتیشیچه، افغانستان ده ثبات‌سیزلیک نی اوج آلدیریش هیچ کیم نی منفعتی گه ایمس و دنیا چیکلاو یره‌تیش اورنیده، افغانستان بیلن همکارلیک قیلیشی کیره‌ک.
مذکور ییغین‌ده تشقی ایشلر وزیرلیگی سرپرستی نینگ کوپه‌یتیریشیچه، اسلامی امارت برچه مملکت‌لر بیلن ایجابی تعامل و ایکی تامانلمه رابطه قوریش نی ایسته‌یدی. او مملکت نینگ حاضرگی قیینچیلیکلریگه اشاره قیلیب ایتگن که، موفقیت‌سیزلیکلر موجود دیر؛ «بیراق ناموفق تجربه‌لر‌دن توسیق بولیش اوچون، برچه‌میز قولیمیز نی بیرلشتیریشی‌میز کیره‌ک.»
بیزلرنینگ فیسبوک صحیفه‌میزگه باش اورینگ!
امیرخان متقی ینه بیر مرته اسلامی امارت مخالف‌لریدن، مخالفت‌دن قول تارتیب قیته مملکت گه قیتیش‌لری نی سوره‌گن. اونگه کوره، اسلامی امارت نینگ قدرت گه ایریشگنیدن کیین، سابق دولت ایشلاوچیلریدن هیچ بیری ایش‌دن بوشه‌تیلمه‌گن و ایشلاوچیلردن برچه‌سی اوز ایش‌لری نی بجرماق‌ده‌لر و اسلامی امارت اوز ایچکی بودیجه‌سیدن ایشلاوچیلر حقوقی نی پرداخت قیله‌دی.
تشقی ایشلر وزیرلیگی سرپرستی بیاناتی نینگ باشقه بیر بولیمی‌ده ایتیشیچه، اسلامی امارت سرپرست حکومتی موازنت‌لی سیاست‌لر طفیلی، قوشنی مملکت‌لر بیلن یخشی رابطه‌سی بار.
بیزلرنینگ توییترده هم تعقیب قیلینگ!
شونده‌ی بیرحالده، مذکور ییغین‌ده اسلامی امارت رئیس‌الوزرا ایکینچی اورین‌باسری عبدالسلام حنفی نینگ ایتیشیچه، سابق دولت ۵ میلیون معتاد نی میراث گه قویگن دیر. اونینگ کوپه‌یتیریشیچه، سابق دولت نینگ ییریک رسمی‌لری فساد گه آغشته ایدیلر و ۶۰ میلیارد افغانی‌دن آرتیق دوسیه‌لری بار.
جناب حنفی نینگ اورغولشیچه، اسلامی امارت سرپرست حکومتی‌ده، برچه برابر حقوق گه ایگه دیر و مجرم‌لر بیلن شریعت اساسیده یول باریله‌دی.
شونینگدیک اسلامی امارت رئیس‌الوزرا ایکینچی اورین‌باسری نینگ ایتیشیچه، اسلامی امارت حاضر ایسه ۸۰۰ مینگ دولتی ایشلاوچی گه ملی بودیجه‌دن حقوق بیره‌دی و بو ییل نینگ بودیجه‌سیدن ۱۳ میلیارد افغانی‌دن آرتیغی ییتیم‌لر، بیوه‌لر و حربی‌لر گه اختصاص ییریلگن دیر.
