کابل یشاوچیلریدن قطاری نینگ سلاموطندار گه ایتیشلریچه، کابل بازاریده ترکاری بهاسی کوپهیگن دیر که انه شوو سبب، اولر ترکاری آلیش گه کوچلری ییتیشمهیدی. شونینگدیک بازارده ترکاریلردن بیر قطاری جملهدن پمیدار نینگ کمهیگنیدن شکایت قیلهدیلر.
شوندهی بیرحالده، کابل نینگ ترکاری و میوه ساتیلیش مارکیتیده ترکاری ساتهدیگنلردن بیر قطاری نینگ ایتیشلریچه، پاکستان گه ترکاری صادراتی کوپهیگنی سبب، بازارده ترکاری بهاسی کوپهیب و کابل بازارلری ترکاری کملیگی بیلن روپهره بولگن.
بیزلرنینگ توییترده هم تعقیب قیلینگ!
ترکاری ساتووچیلر اسلامی امارتدن پاکستان گه ترکاریلر نینگ بیحد صادرات بولینیشی نینگ آلدی نی آلیب و بازارلرده ترکاری نرخی نینگ کنترول قیلینیشی نی ایستهگنلر.
باشقه بیر تاماندن، اسلامی امارت صناعت و سوداگرلیک وزیرلیگی رسمیلری نینگ سلاموطندار گه ایتیشلریچه، ایکینچیلیک محصوللر اینیقسه ترکاری نینگ کوپهیشی بیلن اوشبو محصوللر نینگ صادراتی هم کوپهیگن دیر. صناعت و سوداگرلیک وزیرلیگی سوزلاوچیسی نینگ کاتبی احمد جواد ایتگن که، ولایتلردن قطاریده یوز بیرگن سونگی سووتاشقینلر سبب، کابل بازارلریده ترکاری بهاسی نینگ کوپهیگن دیر.
بیزلرنینگ فیسبوک صحیفهمیزگه باش اورینگ!
اونینگ پاکستان گه ترکاری صادراتی خصوصیده ایتیشیچه، پاکستان گه صادرات کوپهیگنی بیلن ترکاریلر نینگ خراب بولیشی نینگ آلدی آلینگن. صناعت و سوداگرلیک وزیرلیگی سوزلاوچیسی نینگ ایتیشیچه، کابل بازاریده ترکاری بهاسی اوتمیش گه قرهگنده ۲۰ الی ۴۰ فایز کمهیگن دیر.
ایتیش کیرهک که، پاکستان ده یوز بیرگن سونگی سوو تاشقینلرده اوشبو ولایت نینگ ایکینچیلیک ییرلریده کوپ قطاری تخریب بولگنی بیرحالده، ترکاری صادراتی مذکور مملکت گه کوپهیگن دیر.