کابل یشاوچیلریدن قطاری اسلامی امارت نینگ قدرت گه ایریشگنیدن بیری بانک‌لردن پول آلیش پروسه‌سی و بانکی قیین‌چیلیک‌لردن شکایت قیلیب و ایتیش‌لریچه، کونلرچه معاش‌لری نی آلیش اوچون آفتاب آستیده نوبت‌لری نی کوتیب توره‌دیلر، بیراق ینه هم معاش‌لری نی قولگه کیلتیره‌آلمه‌یدیلر.
کابل یشاوچیلریدن بیری عمر نینگ ایتیشیچه: «ایکینچی مرته دیر که بو ییر گه کیله‌من، اوتگن کونی هم کیلگن ایدیم، بیراق پول بیتدی و بوگون هم کیلگن من.»
کابل یشاوچیلریدن باشقه بیری زمری نینگ ایتیشیچه: «کوپ قیین دیر، هر کیم بانککه کیلیب و زور بیلن کیره‌دی، لیکن اهالی آفتاب آستیده نوبت نی کوتیب تورگن. بوگون ایکینچی کون دیر که معاش آلیش اوچون کیلگن مین.»
بیزلرنینگ فیسبوک صحیفه‌میزگه باش اورینگ!
شونینگدیک کابل یشاوچیلریدن باشقه بیری عابد نینگ ایتیشیچه: «ایکی کون‌دن بیری کیله‌من، اوتگن کونی هم کیلگن ایدی، نوبت ییتیشمه‌گن ایدی. اوزلری نی مجاهد دیگن حربی‌لر نوبت آلمه‌ی بانککه کیره‌دیلر. بانککه ایرتنگ ساعت ۷ده کیلگن مین. بیر ییل‌دن بیری بو وضعیت شو رقم دیر.»
کابل یشاوچیلری نینگ کوپه‌یتیریش‌لریچه، بانک‌لرده پول آز دیر و کونده ساعت ۱۰دن کیین بانک‌لر گه پول یوباریله‌دی و ایکی اوچ ساعت‌گچه قیته بیته‌دی.
شونده‌ی بیرحالده، شهزاده سرای صراف‌لر بیرلشمه‌سی نینگ سوزلاوچیسی عبدالرحمان زیرک، افغانی پول‌لر نینگ کمه‌یگنی نی قبول قیلیب، بیراق ایتگن که، بازارلرده پول‌لر موجود دیر.
اونینگ ایتیشیچه: «آزلیگی حس بوله‌دی، لیکن پول گُم بولمه‌گن، بازارده پول موجود دیر.»
بیزلرنینگ توییترده هم تعقیب قیلینگ!
عین حالده، خصوصی بانک‌لر بیرلشمه رئیسی نجیب‌الله امیری نینگ ایتیشیچه، اوتمیش گه قره‌گنده قیین‌چیلیک‌لر کمه‌یگنی بیرحالده، ینه هم بانک‌لر فعالیتی نینگ عادی حالت گه اوزگریشی خصوصیده حکومت بیلن همکارلیک قیلیش اوچون سعی و حرکت بوله‌دی.
اونگه کوره، هییت نینگ یقین بولیشی بیلن، دولتی و خصوصی ایشلاوچیلر معاش‌لری حواله بولگن، انه‌شوو سبب بانک‌لرده مراجعه قیلووچی سانی کوپه‌یگن.
بو توغریده افغانستان مرکزی بانک مسئوللری نینگ فکری نی آلیش ایسته‌دیک؛ بیراق کیین‌مه کیین قونقراغ بیلن موفق بولمه‌دیک.
