تخار ولایتی رستاق تومنی قریب ۴۰۰ قیشلاق و ۴۰۰ مینگ اهالی گه ایگه بولگن تخار نینگ بویوک تومن‌لریدن حساب‌لنه‌دی. اوشبو تومن یشاوچیلریدن کوپینچه‌سی قیشلاق یشاوچیلری بولیب و اوزاق منطقه‌لردن کسل‌لری نینگ دوالنیشی اوچون مذکور تومن مرکزی کسل‌خانه‌سی گه مراجعت قیله‌دیلر؛ بیراق بو کسل‌خانه نینگ طبی خذمت‌لر و امکانیت‌لری اونچه‌لیک قانیقرلی ایمس دیر.
رستاق تومنی مرکزی کسل‌خانه‌سیده‌گی کسل‌لر و کسل‌دارلر، ساغلیق بولیمی ایشلاوچیلری اینیقسه نسایی-ولادی بولیمی ایشلاوچیلری نینگ ناتوغری یاندهشوویدن شکایت قیله‌دیلر. بیراق ساغیلق بولیمی ایشلاوچیلری نینگ ایتیشلریچه، ساغلیق امکانیت آزلیگی اولر نینگ قیین‌چیلیک بیلن روپه‌ره قیلگن.
رستاق تومنی نینگ مرکزی کسل‌خانه‌سیده نسایی-ولادی بولیمیده‌گی کسل‌دارلردن آمنه و گوهرشاد، اوشبو بولیم ساغلیق ایشلاوچیلری نینگ ناتوغری یاندهشوویدن شکایت قیله‌دیلر.
بیزلرنینگ فیسبوک صحیفه‌میزگه باش اورینگ!
آمنه نینگ ایتیشیچه: «قابله‌لر کسل‌لر بیلن درست رفتار قیلمه‌یدی. بو کسل‌خانه گه کیلیش گه مجبورمیز؛ مجبور بولمسه‌‌ک شخصی کلینیک‌لر گه باریب و دارو بیلن اوزیمیز نی دوا‌له‌یمیز. دولتی کسل‌خانه دیب بو ییرگه کیله‌میز.»
شونینگدیک گوهرشاد نینگ ایتیشیچه: «قابله کیلیب و سیاست قیلدی و بیزلر قره‌مه‌یمیز؛ کسل‌لینگیز نی هر ییرگه آلیب کیته‌سیزلر آلیب کیتینگ دیدی. کوپ شوقین نی تشله‌دی. کسلی‌میز نی آلیب یریم کیچه تالقان کیتدیک.»
نسایی-ولادی اوشبو کسل‌خانه نینگ طبی خذمت‌لر بولیم‌لریدن دیر که ایشلاوچیلری گه کوره، بیر پیت‌ده قریب آلتی کیشی نینگ دوالش امکانیتی گه ایگه دیر؛ بیراق کونده ۳۰ دن کوپ کسل بو بولیم گه مراجعت قیلیب و دوالنه‌دی.
رستاق تومنی مرکزی کسل‌خانه‌سی نینگ نسایی-ولادی بولیمی شفاکاری رخشانه نینگ سلام‌وطندار گه ایتیشیچه: «بیرته ولادت‌خانه‌میز بار. بیر اتاق توغیش‌دن آلدین و ایکی چپرکت بیلن باشقه بیر ته اتاقیمیز بار. ۲۴ ساعت‌ده کسل‌لر قیین‌چیلیگی اوچون بو ییترلی ایمس. ۲۴ ساعت جریانیده بو بولیم‌ده قریب ۳۰ کیشی مراجعت قیله‌دی و برچه کسل نینگ قیین‌چیلیگی نی حل قیلیش حقیقتا قیین دیر. کوپینچه کیشی انه شوو سبب، ناراض بوله‌دی و فکر قیلینگ که بیرته آلتی چپرکت‌لی اتاقیمیز بار و ۳۰ واقعه.»
باشقه بیر تامان‌دن، اوشبو کسل‌خانه‌ده‌گی کسل‌دارلردن باشقه بیری عبدالجمیل، بو کسل‌خانه‌ده طبی خذمت‌لر آزلیگیدن شکایت قیلیب و سرپرست حکومت‌دن مذکور کسل‌خانه نینگ طبی امکانیت‌لری کوپه‌یتیریلیشی نی ایسته‌گن. اونینگ ایتیشیچه: «۳۵۰-۴۰۰ قیشلاق دیر و ۵۰ بستر اصلا ییترلی ایمس و کوپه‌یتیریلیشی کیرهک. شونینگدیک کسل‌خانه ایشلاوچیلری درست رفتار قیلمه‌یدیلر و تانیشی بولگن کیشی بیلن درست رفتار قیله‌دیلر.»
عین حالده، رستاق تومنی مرکزی کسل‌خانه‌سی مسئوللری نینگ ایتیشلریچه، بو کسل‌خانه‌ده بستر ۵۰ گه ییتیشیشی بیلن، بیراق ۳۰ بستر گه قره‌ب امکانیت و ساغلیق ایشلاوچیلری نظر گه آلینگن. اولر ساغلیق‌نی سقلش وزیرلیگی‌دن بو کسل‌خانه‌ده طبی خذمت‌لر امکانیتی کوپه‌یتیریلیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
رستاق تومنی مرکزی کسل‌خانه‌سی مسئولی و جراحی بولیم متخصصی احمد کشت‌ورز نینگ ایتیشیچه: «کونده ۷۰۰ کسل بو مرکز گه مراجعت قیله‌دی و اولردن برچه‌سی بو ییردن خوش بولیب کیتمه‌یدیلر. بو ییرده قابله‌لر بار و اولر نینگ تحصیلی درجه‌سی ایکی ییل دیر و اولر کوچلری ییتیشگونه قدر خذمت‌لر نی انجام بیره‌دیلر، بیراق اهالی‌میز نینگ توقع‌سی کوپ دیر و البته اولر نینگ حقی دیر.»
شونده‌ی بیرحالده، تخار ساغلیق‌نی سقلش ریاستی سرپرستی و اورین‌باسری مخدوم عتیق‌الله قانت نینگ سلام‌وطندار گه ایتیشیچه، بو کسل‌خانه‌ده ساغیلق بولیمی قیین‌چیلیکلری و طبی امکانیت آزلیگی نینگ تیزلیککه حل بولیشی ممکن.
ایتیش کیرهک که، تخار ده ساغلیق مرکزلر بوندن آلدین بیر قطار مؤسسه‌لر آرقه‌لی اوسکونه و مالی خصوصیده حمایت بوله‌ر ایدی و اوتگن نیچه آی‌ده اولر نینگ قراردادی بیتیب، حاضر ایسه کوپراق سرپرست حکومت نینگ حمایتی آستیده دیر.
