دایکندی ولایتی پاتو تومنی یشاوچیلری، اوشبو تومن نینگ اونلب قیشلاغیده ساغلیک مرکزلر آزلیگیدن شکایت قیلیب ایتیشلریچه، ستندرد طبی خذمت‌لردن فایده‌لنه آلمه‌یدیلر. اولر گه کوره، مذکور تومن ده یالغیز ایکی ساغلیک مرکز موجود و اولردن بیری بناسیز دیر.
پاتو تومنی یشاوچیلریدن گل‌محمد عظیمی نینگ ایتیشیچه: «پاتو تومنیده ایکی کلینیک بار؛ بیری پاتو منطقه‌سی وباشقه بیری قخور منطقه‌سیده دیر. کلینیک‌لر ییترلی ایمس، نه یخشی داکتری بار و نه هم داروسی. طبی امکانیت‌لر وضعیتی خواطرلی دیر. کسل‌لر اوزلرینی دوالش اوچون ولایت مرکزی گه مراجعت قیلیش گه مجبورلر.»
بیزلرنینگ فیسبوک صحیفه‌میزگه باش اورینگ!
پاتو تومنی یشاوچیلریدن باشقه بیری غلام‌سخی گه کوره، «اوغور، پیتاب، دهن‌اوشی، سرینج، سرتگاب، خرنی، رباط» و باشقه اونلب کتته_کیچیک قیشلاق اهالیسی مذکور تومن نینگ ساغلیک مرکزلری گه مراجعت قیله‌دیلر؛ بو مرکزلر طبی امکانیت و دارو تنقیص‌لیگی بیلن روپه‌ره دیر. او نینگ کوپه‌یتیریشیچه: «هیچ نرسه یوق. ساغلیک مرکز خصوصی بیر حولی ایچیده دیر. مراجعتچیلر سانی کوپ‌لیگی اوچون ایکی و اوچ ساعت کوتیشینگیز کیره‌ک. دارو آزلیگی اوچون بیر پاکت پرستامول بیره‌دی یا که بعضی‌لر گه یریم گولینی قیچی‌لب بیریشه‌دی.»
پاتو تومنی یشاوچیلری نینگ ایتیشلریچه، مذکور تومن نینگ اینیقسه قیش ده قتناو یوللری قیینلیگی باعث کوپ قیینچیلیک‌لر بیلن روپه‌ره بوله‌دیلر. اولر نینگ ایشانچی گه کوره، اوشبو تومن ده ساغلیک خذمت کورسه‌تیش اوچون اونچه‌لیک دقت قیلینمه‌گن. پاتو تومنی یشاوچیلری نینگ ایتیشلریچه، بوندن آلدین کسل‌لردن بیرقطاری دایکندی ولایتی کسلخانه‌سی گه انتقال بیریش پیتیده، یول گه وفات ایتگنلر.
پاتو تومنی یشاوچیلریدن بیری احسان مهدوی گه کوره: «اوشبو تومن یوللری قیین دیر، داوان و سرک‌لری بوزوق‌لیگی یشاوچیلرنی ایریم قیینچیلیک‌لر بیلن روپه‌ره قیلگن؛ چونکه یشاوچیلر اوز کسل‌لرینی وقتیده ولایت مرکزی گه آلیب باریشه آلمه‌یدی اینیقسه قیش ده قار و یامغیر یاغیب یوللر توسیله‌دی.»
بیزلرنینگ توییترده هم تعقیب قیلینگ!
اوشبو گزارش ده دایکندی ساغلیق‌نی سقلش ریاستی مسئوللری نینگ فکر_ملاحظه‌سینی اورگه‌نیش اوچون تلاش قیلدیک؛ لیکن کوپ سعی‌وحرکت‌لر بیلن موفق بولمه‌دیک.
بوندن آلدین، ساغلیق‌نی سقلش وزیرلیگی مسئوللری، ساغلیک امکانیت‌لردن فایده‌لنه آلمه‌گن اوزاق منطقه‌لر نینگ یشاوچیلری اوچون، اوتگن ایکی ییل ده ۱۵۰ ساغلیک مرکز قوریلگنینی ایتگن ایدیلر. سلام‌وطندار بیلن صحبت اوتکزگن ساغلیق‌نی سقلش وزیرلیگی سوزلاوچیسی شرافت زمان امرخیل، اوشبو منطقه‌لرده چمه‌سی ۵۰۰ ساغلیک مرکز نی قوریش اوچون سعی‌وحرکت قیله‌یاتگنلرینی ایتگن.
ایتیش کیره‌ک که، مملکت نینگ بیرقطار اوزاق منطقه‌لری اهالیسی، ساغلیک خذمت‌لردن فایده‌لنه آلمه‌یدیلر.
