هلمند ده کجکی برق توغانی بارلیگی بیلن، اوشبو ولایت نینگ مرکزی لشکرگاه شهری همده ناوه و نادعلی تومن‌لری یشاوچیلریدن قطاری و کارخانه‌لر نینگ مسئوللری، برق آزلیگی و برق‌سیزلیکدن شکایت قیله‌دیلر.
ناوه تومنی یشاوچیسی غلام‌حضرت نینگ سلام‌وطندار گه ایتیشیچه، شخصی پول بیلن ۱۷ کیلومتر برق پایه‌لرینی قوندیرگن، بیراق شو بیلن هم برق قیینچیلیگی حل بولمه‌گن.
اونگه کوره، اوشبو تومن گه برق ییتکزیلیب بیریلگن تقدیرده، کوپ سانده آدم‌لر سرمایه یاتقیزه‌دیلر که کارخانه‌لر فعال بولیشی بیلن اهالی ایش بیلن تأمینلنه‌دی.
بیزلرنینگ فیسبوک صحیفه‌میزگه باش اورینگ!
شو بیلن بیرگه، نادعلی تومنی یشاوچیسی بخت‌محمد نینگ ایتیشیچه، بو تومن نینگ ظاهرشاه زمانیده برقی بار ایدی، بیراق اوروش زمانیده برق پایه‌لری و برق لین‌لری اهالی تامانیدن تالان بولدی. اونگه کوره: «برق یخشی بیزنی فایده میزگه دیر، حاضر یالغیز بیر موز کارخانه‌سی موجود. اوشبو کارخانه ۲۴ ساعت ده ۶۰ مینگ کلدار برق صرفله‌یدی.»
عین‌حالده، لشکرگاه شهری ده حجارلیک و نجارلیک کارخانه‌لر تولید آمری علی‌حسین نینگ ایتیشیچه، هلمند زراعتی بیر ولایت دیر، بیراق برق یوق‌لیگی باعث، کوپ سانده آدم‌لر کارخانه قوریش گه علاقه قیلمه‌یدیلر.
اونگه کوره، اوشبو ولایتده برق یوق‌لیگی سبب، قطار سوداگرلر باشقه ولایت‌لر ده سرمایه یاتقیزه دیلر.
علی‌حسین نینگ ایتیشیچه: «ییترلیچه برقی‌میز بولگنده ایدی، بو ییرده کوپ سانده کارخانه‌لر فعال بولر ایدی. حاضر ملی سوداگرلر هرات یا کابل ده سرمایه یاتقیزیشه‌دی، چونکه بو ییرده ییترلیچه برق یوق دیر.»
علی‌حسین نینگ کوپه‌یتیریشیچه، حاضر برق یوق ۱۲ ساعت ده تخمیناً ۲۵ مینگ افغانی تیل مصرف قیله‌دی، برق ۲۴ ساعت‌لیک بولسه، مصرف یالغیز ۳۰۰ افغانی بوله‌دی.
بیزلرنینگ توییترده هم تعقیب قیلینگ!
عین‌حالده، هلمند برق باشلیغی حافظ هدایت‌الله محمد نینگ سلام‌وطندار گه ایتیشیچه، یقینده ناوه تومنی عینک منطقه‌سیده بوتونلی برق بیریله‌دی و بو تومن نینگ باشقه منطقه‌لری گه برق ییتکیزیش اوچون سعی و حرکت‌لر باشلنگن.
اونگه کوره، حاضر کجکی توغانی سووی ۵۶ متر دیر که یالغیز بیر توربینی فعال، سوو سطحی یوقاری بولسه، لشکرگاه و قندهار شهرلری و باشقه بیر قطار تومن‌لر گه ییترلیچه برق ییته‌دی.
هدایت‌الله محمد نینگ ایتیشیچه: «کجکی برق توغانی ده ۳ ایسکی توربین فعال دیر، حاضر ۳ ینگی توربین فعال بولگن، بیراق حاضر سوو سطحی ۵۶ مترلیگی باعث برق آز دیر که هلمند و قندهار ولایت‌لری آز برق بیریله‌دی.»
ناوه و نادعلی تومن‌لری نینگ یشاوچیلری عین‌حالده برق‌سیزلیکدن نالیماقده‌لر که کجکی توغانیده فعال ۶ توربین دن یالغیز ۱۹ میگاوات برق تولید بوله‌دی که ۹ میگاواتی لشکرگاه شهری شامل موسی قلعه، کجکی و سنگین تومن‌لری گه بیریله‌دی و قالگن ۱۰ میگاواتی ایسه قندهار ولایتی گه یوباریله‌دی.
