اوتگن کونی افغانستان دوکاندارلر و کسبه‌کارلر اتاقی مسئوللری کابل‌ده یول گه قویلگن بیر نمایشگاه‌ده‌گی ییغینده ایتیشلریچه، بانکلر سیستمی‌ده یره‌تیلگن چیکلاولر، کسبه‌کارلر و دکاندارلر نی جدی قیین‌چیلیک بیلن روپه‌رو قیلگن. اولرنینگ اورغولشیچه، بانکی سیستم‌لری نینگ محدود بولگنی، سوداگرلر و دکان‌لر نینگ برابریده بویوک قیین‌چیلیکلر نی قرار بیرگن.
افغانستان دوکاندارلر و کسبه‌کارلر اتاقی رئیسی نورالحق عمری، اوشبو نمایشگاه‌ده قیین‌چیلیکلر نی رفع بولیشی اوچون اسلامی امارت‌دن همکارلیک قیلیشلری نی سوره‌گن. اونینگ ایتیشیچه، اولرنینگ کوپینچه پوللری بانکلرده باغلنیب قالگن.
جناب عمری نینگ کوپه‌یتیریشیچه: «بانکی سیستم‌لری نینگ باغلنگنی ایشلاوچیلر برابریده یره‌تیلگن باشقه قیین‌چیلکلردن دیر که اسلامی امارت بو زمینه قرار آلیشی کیره‌ک؛ چونکه دکاندارلردن قطاری نینگ پوللری بانکلرده باغلنیب قالگن و کونده‌لیک مرکز و ولایت‌لر آره‌سیده‌گی فعالیتلر انه شو بانکلر آرقلی صورت تاپه‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلامی امارت اقتصاد وزیرلیگی سرپرستی و اوشبو نمایشگاه‌ده نطق سوزلگنلردن بیری دین‌محمد حنیف نینگ ایتیشیچه، اولر کسبه‌کارلر و دکاندارلر نینگ برابریده‌گی قیین‌چیلیکلر نی رفع قیلیش اوچون سعی و حرکت قیلیشلری ممکن.
اقتصاد وزیرلیگی سرپرستی نینگ کوپه‌یتیریشیچه: سیزلرنینگ همکارلیک قیلیشلریز افغانستان نینگ بوتون ملتی گه همکارلیک قیلیش دیر. سیزلر رشد قیلگنلرینگیزده، سیزلرنینگ پیشرفتلرینگیز مملکت اقتصادی نینگ پیشرفتی دیر. سیزلر نی رشد قیلیشلرینگیز بو ملت نینگ ایش تاپیشی دیر و بیزلر سیزلرنی رشد و رواجلنیشلرینگیز اوچون ایشله‌یمیز و سیزلر نینگ یانینیزده‌میز.»
شونده‌ی بیرحالده، افغانستان اسلامی امارت سوزلاوچیسی، معلومات و مدنیت وزیرلیگی نینگ نشراتی ایشلری معینی و اوشبو نمایشگاه‌ده نطق سوزله‌گن کیشیلردن بیری ذبیح‌الله مجاهد، دکاندارلر تامانیدن اسلامی قانون و قاعدا‌لر نینگ رعایت بولینیشی نی سوره‌گن. اونینگ ایتیشیچه، اسلامی امارت بو قشر نینگ بوتون قیینچیلیکلری نی حل قیلیشی ممکن.
بیزلرنینگ توییترده هم تعقیب قیلینگ!
باشقه بیر تاماندن، کسبه‌کار عیاللردن قطاری نینگ سلام‌وطندار بیلن اوتکزگن سوزلشووده ایتیشیچه، ایشلاوچیلر برابریده عمومی قیین‌چیلیک‌لردن اَیری، شونینگدیک عیاللر اسلامی امارت تامانیدن وضع بولگن چیکلاولر بیلن روپه‌رو بولگنلر.
افغانستان دکاندارلر و کسبه‌کارلر اتاقی کابل نینگ ستارۀ شهر تالاریده «کسبه‌کارلر مملکت اقتصادی نینگ آستقورمه و ستون فقراتی» عنوانیده اوچ کونلیک نمایشگاه یولگه قویگنلر. بوگون بو نمایشگاه نینگ بیرینچی کونی ایدی و پنج‌شنبه‌گچه دوام قیلیشی ممکن. اوشبو نمایشگاه نینگ مقصدی، اسلامی امارت مسئوللری نینگ توجه‌سی نی جلب قیلیش دیر.
