بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا) گه کوره، اوشبو مملکتده یوز بیرگن زلزلهدن تورت ییل اوتگچ، حاضرگچه عایلهلردن کوپ قطاری اونینگ عاقبتلری بیلن یشهماقده.
مذکور نهادنینگ بوگون (۳-سرطان، چهارشنبه)، اکس صحیفهسیده یازیشیچه، افغانستان جنوبشرقیدهگی زلزله نتیجهسیده جبرلنگنلر، تیریکچیلیک اوچون قیینچیلیکلر بیلن روپهرهلر.
اوچانینگ کوپهیتیریشیچه، انسانی بحراننی جواب بیریش بوییچه ایستهلگن بودجهنینگ یالغیز ۱۷ فایزی تامینلنگن. بیرلشگن ملتلر تشکیلاتی انسانسیورلیک یاردملرنی هماهنگ قیلووچی ادارهسینینگ اورغولشیچه، فوقالعاده قوللب-قوتلش بولمسدن افغانستان ده زلزلهدن جبرلگنلر قیینچیلیگی کوپهیشی ممکن.
۲۰ کون آلدین بیرلشگن ملتلر تشکیلاتیگه تیگیشلی اوشبو نهاد، افغانستان ده جاری میلادی ییلده نیازمندلر قیینچیلیگی حلی اوچون ایستهلگن بیر میلیارد ۷۱۰ میلیون دالردن، فقط ۲۶۹ میلیون دالری تامینلنگنینی ایتگن ایدی.
