بیرلشگن ملتلر تشکیلاتی نینگ خاص گزارشگرلری، وقت جدولی ارایه بولمهسدن عیاللر ایشی و تعلیمی باشلنیشی خصوصیده اسلام امیرلیگی نینگ سوزلری گه اشاره قیلیب و ایتیشلریچه، افغانستان ده جنسیتی تبعیض بیللی بولگن.
افغانستان اوچون بیرلشگن ملتلر تشکیلاتی نینگ انسان حقوقی خاص گزارشگری ریچارد بنت و اوشبو تشکیلات نینگ عیاللر وقیزلر گه قرشی تبعیض ایشلری گروهی نینگ رئیسی دوروتی استرادا تانک، اوتگن کون (جمعه، ۱۵-ثور)، سویس نینگ ژنو شهریده افغانستان گه قیلگنلری سکیز کونلیک سفر جریانیدهگی گزارش نی ارایه قیلیش بیلن ایتیشلریچه، اسلام امیرلیگی عیاللر برابریده تبعیض قایل بولیب حکومت قیلهدی و اوتگن ایکی دههده جنسیتی برابری خصوصیدهگی قولگه کیلگن نسبی یوتوقلر نی اورتهدن کیتکزهدی.
شونینگدیک اوشبو گزارشده کیلیشیچه، اسلام امیرلیگی رسمیلری ساغلیق، تعلیم و سوداگرلیک بولیملریده عیاللر ایشیدن شریعت اساسیده ایشانچ بیرگن و اولر آلتینچی صنفدن یوقاری قیز اوقووچیلر یوزیگه مکتبلر ایشیگی آچیلیشی و شونینگدیک بیللی زمانی جدول ارایه بولمهسدن عیاللر ایشی دوام تاپیشی گه تاکید قیلگن.
بیزلرنینگ توییترده هم تعقیب قیلینگ!
بیرلشگن ملتلر تشکیلاتی نینگ گزارشلری، ۲۷-اپریلدن ۴-می گه قدر افغانستان گه قیلگنلری سفرلری جریانیده، اسلام امیرلیگی رسمیلری، مدنی فعاللر، عیاللر گروهی و مذهبی رهبرلر، اوقیتووچیلر و خبرچیلر، انسان حقلری نقض قربانیلری و بیرلشگن ملتلر تشکیلاتی نهادلری بیلن اوچرهشگن.
بیرلشگن ملتلر تشکیلاتی گزارشگرلری بیلن اوچرهشگن عیال حقلری فعاللریدن قطاری نینگ ایتیشلریچه، اولر بیرلشگن ملتلر تشکیلاتی گزارشگرلری نینگ گزارشی ارایه بولگنیدن کیین، ایجابی بیر جواب نی کوتیب تورگنلر.
بیرلشگن ملتلر تشکیلاتی گزارشگرلری بیلن عیال حقلری فعالی فروزان داودزی نینگ سلاموطندار گه ایتیشیچه: «بیرلشگن ملتلر تشکیلاتی گزارشگرلری بیلن اوچرهشگنیمیزده عیاللر نینگ تعلیم و ایشدن محروم بولگنی خصوصیده صحبت قیلدیک و بیر جواب قولگه کیلیشی نی کوتیب تورگنمیز. بیر جواب قولگه کیلتیرمهگنیمیز پیتده، اوشبو گزارش نینگ ارایه بولگنی عیالر وضعیتی گه هیچ قندهی تغییر کیلتیرمهیدی.»
اوشبو گزارشگرلر گزارشی نینگ مکملی، جولای آییده بیرلشگن ملتلر تشکیلاتی انسان حقلر کینگشی نینگ ۵۳-ییغینیده ارایه بولیشی ممکن.
شوندهی بیرحالده، اسلام امیرلیگی سوزلاچی اورینباسرلریدن بلال کریمی، بیرلشگن ملتلر تشکیلاتی گزارشگرلری نینگ گزارشی نی رد قیلیب و ایتیشیچه، ساغلیق و معارف بولیمیده عیاللر حضوری یخشی دیر و شونینگدیک نیاز بولگنی پیتده، اسلام امیرلیگی فرقلی بولیملرده عیاللر نینگ ایش گه آلیش خصوصیده قرار آلگن.
اونینگ کوپهیتیریشیچه: «معارف و ساغلیق بولیمیده ۹۸ مینگ عیال تبعیض بولمهسدن ایشلهیدی. شونینگدیک مالیه و ایچکی ایشلر وزیرلیگی ترانسپورت و هوا قونالغهسی بولیمیده ایشلهیدی. ایتیش کیرهک که، مملکتیمیزدهگی واقعیتلر باشقه نرسه دیر، بیراق قیغو بیلن تشقیدن ترقهتیلهدیگن گزارشلر حقیقتلر نی درست بیر شکلده درک قیلهگنلر.»
باشقه بیر تاماندن، بیرلشگن ملتلر تشکیلاتی، اوتگن کون افغانستان ده ماموریتی نی قیته کوریش اوچون، افغانستان ده اوشبو تشکیلات اورینباسرلیک هیئت دفتری اوز ایشلاوچیلریدن اویلریدن ایشلهیشلری گه دوام بیریش نی ایستهگن.
بیزلرنینگ فیسبوک صحیفهمیزگه باش اورینگ!
اقتصادی ایش بیلرمانلردن قطاری نینگ ایتیشلریچه، بیرلشگن ملتلر تشکیلاتی نینگ محلی ایشلاوچیلر ایشی اویدن دوام تاپیشی، یاردم بیریش پروسهسی نینگ ۳۰دن ۴۰ فایزی نی توختهتدی.
بو توغریده اقتصادی مسئلهلر بیلرمانی جبار صافی نینگ ایتیشیچه: «بیرلشگن ملتلر تشکیلاتی نینگ محلی ایشلاوچیلری ایشی اویدن دوام تاپیشی، ایشلر نینگ ۳۰دن ۴۰ فایزی نی توختهتدی و شونینگدیک یاردملر کمهیدی. اسلام امیرلیگی بیرلشگن ملتلر تشکیلاتی ایشلاوچیلری گه مصون بیر برنامه ارایه قیلیشی کیرهک.»
عین حالده، ینگیلیکده، آمریکا نمایندهلر مجلسی نینگ تشقی رابطهلر کمیته رئیسی مایکل مکال، بیر مکتوب آرقهلی بیرلشگن ملتلر تشکیلاتی باش کاتبی آنتونیو گوترشدن، افغانستان دهگی عیاللردن حمایت و افغانستان ده عیاللر حضوری بولمهسدن یاردم بیریش پروسهسی نی قبول قیلمهیشی نی ایستهگن.