خلق‌ارا ساغلیق‌نی سقلش تشکیلاتی تامانیدن افغانستان نینگ ساغلیق وضعیتی خصوصیده ترقه‌لگن گزارش گه کوره، سونگی کونلرده مملکت بویلب ۹۷ ساغلیق مرکزی نینگ فعالیتی بوتونلی یا-ده قسمی شکلده توخته‌تیلگن.
۷۹ سیار گروه و ۱۸ ثابت مرکز شامل بولگن مذکور ساغلیق بولیم‌لر، اسلام امیر‌لیگی تامانیدن ایچکی و خارجی نادولتی موسسه‌لرده عیال‌لر ایشی توخته‌تیلیشی طفیلی، فعالیت‌لری نی توخته‌تگنلر.
خلق‌ارا ساغلیق تشکیلاتی نینگ اعلام قیلیشیچه، اوشبو ساغلیق‌نی سقلش مرکزلر نینگ فعالیتی توخته‌تیلیشی باعث، مملکت بویلب کمیده ۵۰۰ مینگ کیشی شاشیلینچ ساغلیق خذمت‌لریدن محروم قالگن‌لر.
بیزلرنینگ فیسبوک صحیفه‌میزگه باش اورینگ!
مذکور تشکیلات تامانیدن ترقه‌تیلگن گزارش‌نینگ بیر قسمیده کیلیشیچه: «۱۳-جنوریده ترقه‌تیلگن اوچینچی چیزیق یا گزارش‌گه اساس، ۹۷ ساغلیق مرکزی جمله‌دن ۷۹ سیار تیم و ۱۸ ثابت مرکز فعالیت‌لری قسمی یاده بوتونله‌ی توخته‌تیلگن.»
شوندی بیرحالده، ساغلیق‌نی سقلش وزیرلیگی بو وزیرلیک چوکاتیده‌گی برچه ساغلیق مرکزلری حاضر فعالیت‌لرینی دوام ایتیریشی‌نی اورغولب، بیراق ساغلیق بولیمیده فعالیت قیلیب کیله‌یاتکن موسسه‌لر ایشلری توخته‌تیلیشی نی توشینماوچیلیک دیب معلوم قیله‌دی.
ساغلیق‌نی سقلش وزیرلیگی نینگ سوزچیسی شرافت زمان امرخیل نینگ سلام‌وطندارگه ایتیشیچه: «البته ایریم موسسه‌لر توشینماوچیلیک اساسیده یخشی توشینمه‌ی، فعالیت‌لرینی توخته‌تگن و ایریم‌لری ایسه حاضر فعالیت‌لرینی قیته باشله‌دیلر.»
خلق‌ارا ساغلیق‌نی سقلش تشکیلاتی فعالیت‌لری توختهتیلیشیدن خبر بیرگن ساغلیق مرکزلری‌دن کوپینچه‌سی، سیار ساغلیق تیم‌لری دیر که اولر مملکت نینگ آلیس منطقه‌لریده و دستلبکی ساغلیق خذمت‌لریگه قول تاپه آلمه‌یدیگن یشاوچیلرگه خذمت قیلر ایدی.
بیزلرنینگ توییترده هم تعقیب قیلینگ!
ساغلیق نی سقلش وزیرلیگی سابق اورین‌باسری فدامحمد پیکان بو سیار ساغلیق تیم‌لر فعالیت‌لری دوامی‌نینگ اهمیتی‌نی بیلدیریب، حاضر مملکت‌نینگ شرایطی‌گه اساس ساغلیق بولیمی کوپراق تقویت ایتیلیشی‌‌گه تاکید ایتدی.
اونینگ ایتیشیچه: «یاردم بیرووچی تشکیلات‌لر و انجولر نینگ ساغلیق بولیمیده‌گی فعالیت‌لری توخته‌لیشی، حاضرگی قیش کونلری همده قششاق‌لیک کوپه‌یگن و تورلی کسل‌لیک‌لر تاپیلگن وضعیت‌ده اهالی‌نی جدی قیینچیلیک‌لرگه قویه‌دی.»
ایتیش کیره‌ک که، حاضر مملکت نینگ ساغلیق تیزیمی باشقه هر بیر زمان گه کوره کوپراق خلق‌ارا یاردم‌لرگه محتاج دیر.
