کابل یشاوچیلریدن قطاری، برق پرچاوی‌سیدن شکایت قیلیب و ایتیش‌لریچه، اوی‌لری نینگ ایسیتیش اوچون کوپینچه قیین‌چیلیک بیلن روپه‌ره بولگنلر.
کابل شهری‌ده چاپ‌خانه‌دارلردن بیری فریدون، کونده‌لیک ایشلری نی انجام بیریش اوچون دوام‌دار برق گه نیازی بار. اونینگ ایتیشیچه، اهالی یانغین ماده‌لر بهاسی نینگ یوقاری بولگنی سبب، کوپراق برق گه نیازمند دیر.
بیزلرنینگ توییترده هم تعقیب قیلینگ!
فریدون نینگ کوپه‌یتیریشیچه: «اهالی کوپ فقیر و نادار. یاغاچ و کومیر‌لری یوق‌لیگی سبب، برق گه نیازلری بار که برق هم یوق. بو ییرده ایشله‌یمیز و عکاس‌لیک و فوتوکاپی دوکانی‌میز بار. هر دقیقه برق گه نیاز تاپه‌میز؛ بیراق برق هم یوق.»
شونینگدیک کابل یشاوچیلریدن باشقه بیری روح‌الله، برق پرچاوی‌سیدن شکایت قیلیب و ایتیشیچه، اوچ الی ۴ کون جریانیده، یالغیز ۲ یا-ده اوچ ساعت برق‌لری بار.
عین حالده، نیچه کون‌‌دن بیری، کابل نینگ هواسی کوپراق ساووق بولگن و اهالی برق گه کوپراق نیازلری بار.
کابل یشاوچیلریدن بیری حمید برق پرچاوی‌سیدن شکایت قیلیب و ایتیشیچه: «اهالی نینگ یاغاچی یوق، برق هم یوق. اهالی‌دن کوپ قطاری کوپینچه قیین‌چیلیک بیلن روپه‌ره بولگن. برق بولمه‌گنی پیتده، نیچه دانه گاز هم آلسه‌ک، ینه هم اول قیسی اوی نی یختی قیله‌یلیک. گاز قوللنگنیمیز جریانیده، بیر کیلو گاز ۷۰ الی ۸۰ افغانی دیر که ایکی کیلو آله‌میز دیسه‌ی بیخی قیین بوله‌دی.»
عین حالده، اوتگن کون افغانستان برق ییتکزیش شرکتی یا-ده برشنا، تویتر صحیفه‌سیده بیر اطلاعیه ترقه‌تیب و اوزبیکستان‌دن افغانستان گه کیله‌دیگن برق، اوزبیکستان توپراغی‌ده فنی قیین‌چیلیک سبب کیسیلگنی نی بیان قیلگن.
بیزلرنینگ فیسبوک صحیفه‌میزگه باش اورینگ!
برشنا مسئوللری گه کوره، مذکور قیین‌چیلیک نی تیزلیککه حل قیلیش اوچون سعی و حرکت قیلماقده‌لر.
ایتیش کیره‌ک که، هر ییل هوا نینگ ساووق بولیشی بیلن، یشاوچیلر نینگ برق گه قول تاپیش میزانی کمه‌یدی.
