قندوز ولایتیدن امنیتی بیر منبع نینگ ایتیشیچه، اوشبو ولایت نینگ امامصاحب تومنیده طالبان گروهی نینگ هجومی نتیجهسیده، چیگره کوچلردن 5 تهسی هلاک و باشقه 4 تهسی یرهلنگن.
منبع نینگ کیملیگی سیرقالیشنی ایستهب سلاموطندارگه ایتیشیچه، اوشبو واقعه اوتگن کیچه امامصاحب تومنی نینگ «چهل کپه» منطقهسیده یوز بیرگن.
منبع گه کوره، مذکور آتیشمهده طالبان جنگریلریدن 4 تهسی هلاک و باشقه 3 تهسی یرهلنگن.
امامصاحب تومنی ولسوالی محبوبالله سعیدی، طالبان هجومینی تصدیقلگن، بیراق تلفات خصوصیده معلومات بیرمهگن.
بوتوغریده 217 پامیر قول اردو قومندانلیگی و ملی مدافعه وزیرلیگی فکرینی آلیش اوچون سعی و حرکت قیلدیک، لیکن موفق بولمهدیک.
عینحالده، طالبان سوزلاوچیلریدن بولمیش ذبیحالله مجاهد نینگ توییتر صحیفهسیده یازیشیچه، اوشبو آتیشمهده امنیتی کوچلردن 13 تهسی و طالبان جنگریلریدن 1 تهسی هلاک ایتیلگن. اونینگ ایتیشیچه، دولتی کوچلرنینگ بیر تانک و بیرقطار قورال و اوقلری طالبان قولیگه توشگن.
