قندوزلیک گرافیک دیزاینر احمدجاوید هنرمندنینگ ایتیشیچه، هنر و دیزاینگه قیزیقیشی سبب آلتی یاشرلیکدن گرافیک دنیاسی آدیم قویگن. اونگه کوره، گرافیک یالغیز بیر ایش ایمس، بلکیم حیاتگه معنا بیرهدیگن بیر صناعت دیر.
جاوید هنرمند، بو مسلک آرقهلی آیده اورته شکلده ۵۰ مینگ افغانیگچه درآمدی بولگنینی بیان قیلیب و کوپهیتیریشیچه، کوپراق فوتوشاپ، کورلدراو، ایلاستریتور، کانوا، و باشقه بیر قطار برنامهلردن فایدهلنهدی.
بیزلرنینگ «ایکس» ترماغی ده هم تعقیب قیلینگ!
او، گرافیک ساحهسیگه صنعی هوشنینگ کیلگنینی ایجابی دیب ایتیشیچه: «صنعی هوشنی یاردم بیرووچی بیر وسیله بیلهمن. انسان خلاقیتی و فکری بیلن یرهتیلگن بیر دیزاین، کوپ یخشی نتیجه بیرهدی. بعضا دستلبکی دیزاینلرنی تولید قیلیش یا-ده ایده آلیش اوچون مید جرنی کبی صنعی هوش فایدهلنهمن. مینیمچه صنعی هوشنینگ کیلگنی ایشلردن قطارینینگ آسان بولیشیگه سبب بولگن، لیکن حاضرگچه انسان خلاقیتینی هیچ بیر ماشین قیله آلمهیدی و اونینگ اورنینی آلالمهیدی.»
احمدجاوید هنرمندنینگ ایتیشیچه، اوتگن ییللرده قندوز ولایتیده گرافیک تانیلمهگن بیر هنر بولیب و حتا لوگو توزهتیش هم بیر قطار کیشیگه قیزیق کیلهردی؛ بیراق حاضر ایسه دیجیتال دنیاسیگه اهالینینگ قیزیقیشی بیلن، گرافیک دیزاینی اهمیتی آشگن.
حاضر ایسه مذکور یاش، تکنولوژیدن کوپراق فایدهلنیش بیلن ینگی و فرقلی نرسهلرنی اهالیگه کورستماقچین؛ چونکه اونگه کوره، سونگی پیتلرده فیسبوک و اینستاگرام کبی اجتماعی ترماقلردن قطاریده قیزیقیش و تبلیغات کوپهیگن.
مذکور گرافیک دیزاینرنینگ کوپهیتیریشیچه، قندوزدهگی مشتریلردن کوپ قطاری لوگو، ویزیت کارت، بروشر، چاپی بنرلر، دکان لوحهلری و باشقه بیر قطار نرسهلرنی بویورهدیلر. اجمد جاوید، قندوز ده گرافیک مسلکی برابریدهگی اینگ بویوک قیینچیلیکنی، ناتوغری قیمتلر، رواجلنگن تعلیمی امکانیتلر یوقلیگی و مناسب بازار یوقلیگی دیگن.
او، افغانستان اینیقسه قندوز ولایتیده گرافیک دیزاین کیلهجگی توغرییسیده ایتیشیچه: «مینیمچه افغانستان اینیقسه قندوز ولایتیده گرافیک دیزاین کیلهجگی، صنعی هوش و انسان خلاقیتی بیلن قوشیلیشی ممکن. ینگی تکنولوژیلردن فایدهلنهدیگن و شونینگدیک اوز فکر و خلاقیتینی رواجلنهدیگن کیشیلر موفق بوله آلیشلری ممکن.»
بیزلرنینگ فیسبوک صحیفهمیزگه باش اورینگ!
اونگه کوره، مسلکی مهارتلرینی رواجلنتیریش اوچون آنلاین تعلیملر، آز مدتلی تعلیمی صنفلر و لایحهلرده عملی تجربهلرده فایدهلنگن. او، دایمی شکلده اوقیشنی رواجلنیش رمزی دیب و قیزیقهدیگن یاشلرنی گرافیک دیزایننینگ مسلکی دنیاسی گه آدیم قوییشگه تشویق قیلگن. «افغانستان بویلب گرافیک دیزاینگه قیزیققن یاشلرگه پیامم شو دیر که، صبر و سعیوحرکتدن فایدهلنسینلر. گرافیک فقط اورگهنیش ایمس؛ خلاقیت، اوقیش و تمرین قیلیشگه نیازی بار. حقیقتا قیزیقگنینگیز صورتده، حتا افغانستان ده بولسنگیز هم اوز هنرینگیزنی کورسهتیب و درآمد قولگه کیلتیره آلهسیزلر.»
گرافیک، کورسهتیلهدیگن بیر هنر بولیب و پیاملرنی چیرایلی و توشینیلهدیگن بیر شکلده مخاطب گه ییتیشتیرهدی. بو هنر رنگ، صورت، یازیش و حتا اولردن برچهسیدن فایدهلنیش بیلن تورلیخیل دیزاینلرنی توزتهدی که تبلیغلر، اجتماعی ترماقلر، کتابلر، لوگولر و باشقه بیر قطار بولیملرده فایدهلنیلهدی. نتیجهده، گرافیک دیزاین اهالی، برندلر و ییتکرمهلر آرهسیده علاقه یرهتیش توغریسیده اونملی اورینگه ایگه دیر.
