افغانستان تینچلیک جریانی بوییچه آمریکا خاص نمایندهسی زلمی خلیلزاد، اوتگن “دوشنبه” کونی تینچلیک خصوصیده بولگن منطقهیی سفرلرینی باشلهدی. اونینگ اوشبو سفر ده ناروی و قطر گه باریشی ممکن.
جناب خلیلزادنینگ توییتر صحیفهسیده یازیشیچه، زوروانلیک رقمی آزهیشی خصوصده سوز بیریلگن ایدی، لیکن حاضرده هم افغانستانده زوروانلیک دوام قیلماقده. خلیلزاد نینگ آگاهلنتیریشیچه، سیاسی کیلیشووگه قول تاپیش ایشیگی دایمی شکلده آچیق قالمهیدی.
افغانستان تینچلیک جریانی بوییچه آمریکا خاص نمایندهسیگه کوره، هر کون کوپینچه افغانستانلیک هلاک بولهدی و منطقه تخریبچیلری نامشروع هدفلری اوچون افغانستانلیکلرنی “اوق و باروت” دیک استفاده قیلهدیلر. اونگه کوره: «قان توکیش حادثهلر توخته لیشی لازم»
جناب خلیلزاد نینگ تاکید ایتیشیچه: ” افغانلر ویرانلیک اورنیگه ترقیات، جنجللر اورنیگه تینچلیک، انتقام اورنیگه کیچیریش و انعطاف سیزلیک اورنیگه مصلحت قیلیشلری کیرهک”.
امریکا تشقی ایشلر وزیرلیگی تامانیدن ترقه تیلگن گزارشده، جناب خلیلزاد ناروی اولکه سی مقاملری بیلن اوچره شیب، افغانستان تینچلیک پروسهسی خصوصده سوزلشیشی ایتیلگن.
عینحالده جناب خلیلزاد، قطر اولکه سیگه سفر قیلیب افغانستان اسلام جمهوریتی و طالبان گروهی نینگ هیاتلری بیلن افغانستاندهگی زوروانلیک رقمی آزهیشی خصوصده سوزلشیشی ایتیلهدی.
جناب خلیلزاد، اوروش ایکی تامانیدن هم افغانستان خلقی قربان بوله دیگن زوروانلیک رقمی نی آزهیشی نی سورهگن. امریکا تشقی ایشلر وزیرلیگی تامانیدن ترقه تیلگن گزارش گه کوره، افغانستان دولتی بیلن طالبان گروهی اینگ قیسقه زمانده آتش کیسیم گه سبب بوله دیگن، زوروانلیک رقمی آزهیشی خصوصده کیلیشیشلری لازم.
ترقه تیلگن اعلامیهگه کوره، جناب خلیلزاد خلق ارا اورتاقلری تینچلیک مذاکره هیاتلری اوستیگه سیاسی نقشه بیلن تورت دهه دن بیری دوام قیله دیگن اوروش ختم بولیش خصوصده فشار آلیب کیلهدی.
افغانستان تینچلیگی بویچه امریکا نینگ خاص نمایندهسی، دوحه شهریده باشله تیلگن تینچلیک مذاکرهسی باشله گنیدن بیر ییریم آی اوتیش بیلن ایکی تمان هیاتی جنجللی موضوعلرنی حل قیلیشده قادر بولمه گن بیر حالده اوشبو سوزلرنی بیان ایته دی.