بیرلشگن ملت‌لر تشکیلاتی نینگ باله‌لرنی قوللب قوتلش صندوقی یا یونیسف، افغانستانده‌گی باله‌لر وضعیتیدن خواطر بیلدیریب ایتیشیچه، تیز یاردم بیریلمه‌گن تقدیرده، اوشبو باله‌لر قیینچیلیکلرینی حل قیلیش ممکن سیز دیر.
یونیسف اوتگن کونی، ۲۰۲۲-ییل‌ده، افغانستانده‌گی محتاج ۱۲.۹ میلیون باله قیینچیلیکلرینی حل ایتیشیینی ایسته‌یدی، لیکن تیز یاردم بولمه‌گن صورتده، اوشبو باله‌لر قیینچیلیکلرینی حل قیلیش ممکن سیز دیر دیب توییتریده یازگن.
بیزلرنینگ فیسبوک صحیفه‌میزگه باش اورینگ!
عین پیت‌ده، یونیسف نینگ افغانستانده‌گی دفتری آزیق- آوقت بولیمی رئیسی میلانی گالوین توییب آوقتلنمه‌یدیگن باله لر سانی آرتگنیدن خواطر بیلدیریب و بیرلشگن ملت‌لر بو خصوصده اوز سعی و حرکت‌لریگه دوام بیریشینی تیلگه آلدی.
او توییتریده شو ییل نینگ جنوری آیی‌ده افغانستانده ۲۳ مینگ و ۳۰۰ توییب آوقتلنمه‌یدیگن باله گه یاردم بیرگنینی یازگن. یونیسف نینگ آزیق- آوقت رئیسی بو یاردم‌لرنینگ کوپراغی توییب آوقتلنمه‌یدیگن باله لرگه مقوی مواد بیریشنی اوز ایچیگه آلگنینی قوشیمچه قیلدی.
یونیسف بوندن آلدین هم افغانستانده توییب آوقتلنمه‌یدیگن باله لر سانی کوپه‌یگنیدن آگاهلنتیریب و بو خصوصده تیزلیکده اقدام ایتیلمه‌گنده بیر میلیون باله جان بیریشی ممکن‌لیگینی بیلدیرگندی.
بیزلرنینگ توییترده هم تعقیب قیلینگ!
عین‌حالده، یونیسف ساغلیقنی سقلش تیزیمی قوله‌شی آلدینی آلیش و افغانستانده‌گی باله‌لرگه مهم اجتماعی خدمت‌لر کورسه‌تیش اوچون ایکّی میلیارد دالر انسان‌سیورلیک یاردم ایتیلیشینی سوره‌دی.
