اسلامی امارت تشقی ایشلر وزیرلیگی نینگ سیاسی اورین‌باسری شیرمحمد عباس استانکزی، بوگون کابل ده یولگه قوییلگن خبری بیر ییغین‌ده، قوشنی مملکت‌لر اینیقسه ایران و پاکستان‌دن افغانستان مهاجرلری یوزیگه چیگره‌لری نینگ آچیشلری نی سوره‌گن.
او ایران و پاکستان‌دن افغانستان مهاجرلری بیلن خلق‌ارا قانون-قاعده‌لر اساسیده رفتار قیلیب و اولر نی کلتکلش و بیزاوته قیلیش‌دن قول تارتیشلری نی سوره‌گن.
بیزلرنینگ توییترده هم تعقیب قیلینگ!
جناب استانکزی اوشبو ییغین‌ده کوپه‌یتیرگن که، عالم‌لر قیزلر نینگ اوغیل باله‌لر یانیده تبعیض‌سیز بیر شکلده تعلیم کوریشلری اوچون، زمینه یره‌تیلیشی خصوصیده فتوا بیرگنلر. او اسلامی امارت‌دن اهالی نینگ باشقه مملکت‌لر گه مهاجرت قیلمه‌یشلری اوچون اهالی گه ایش زمینه‌سی نینگ فراهم بولیشی نی ایسته‌‌گن.
سونگی کون‌لرده، سابق حکومت رسمی‌لریدن قطاری افغان شخصیت‌لری بیلن علاقه قوریش کمیسیونی نینگ سعی و حرکت‌لری نتیجه‌سیده مملکت گه قیتگنلر، بیراق باشقه بیر تامان‌دن، اقتصادی قیین‌چیلیک و قشاق‌لیک سبب، یشاوچیلریدن قطاری مملکت نی ترک قیلیش نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، تشقی ایشلر وزیرلیگی سیاسی اورین باسری نینگ ایتیشیچه، تشقی مملکت‌لردن قطاری اوروش‌ده مغلوب بولگنلر، حاضر ایسه اسلامی امارت بیلن سیاسی اوروش نی باشله‌گنلر. اونگه کوره، مملکت‌لر بهانه بیلن تعلیم کورگن ییگیت‌لر و کادرلر نینگ افغانستان دن چیقریش اوچون سعی و حرکت قیله‌دیلر.
شونده‌ی بیرحالده، اسلامی امارت نینگ قدرت گه ایریشگنیدن کیین، یشاوچیلردن قطاری تقدیرلری نابیللی بولگنی، اقتصادی قیین‌چیلیک و باشقه بیر قطار قیین‌چیلیکلر سبب، مملکت نی ترک قیلگنلر و تشقی مملکت‌لر اینیقسه ایران و پاکستان گه مهاجرت سانی حاضرگچه دوام قیلماقده.
