لوگر مرکزی پل‌علم شهری‌ده «نائب امین‌الله خان لوگری» کسل‌خانه‌سیده‌گی کسل‌دارلردن بیری عصمت‌الله نینگ سلام‌وطندار گه ایتیشیچه، اوشبو کسل‌خانه‌ده جای کملیگی سبب، بیر کیشی‌لیک اتاق‌ده، تورت کیشی بستری دیر. اونینگ کوپه‌یتیریشیچه، اهالی اقتصادی قیین‌چیلیک سبب، خصوصی کسل‌خانه‌لر گه مراجعت قیله آلمه‌یدی.
بو توغریده عصمت‌الله نینگ ایتیشیچه: «مین اوزیم کسل و عملیات اوچون ولایتی کسل‌خانه گه کیلگن‌مین. ستندرد کسل‌خانه قوریلیشی نی ایسته‌یمیز. کسل‌خانه گه خذمت بولسین و بسترلر کوپه‌یسین. حاضر ایسه بیر کیشی‌لیک اتاق‌ده، تورت-بیش کیشی بستر بوله‌دی.»
نائب امین‌الله خان لوگری کسل‌خانه‌سی گه بیش یاشر نیوره‌سی نی کیلتیرگن پل‌علم شهری نینگ «دوشنبه» قیشلاغی یشاوچیسی طلامحمد، ییر، بستر و تشخیص قیلیش امکانیت کملیگی و طبی اوسکونه‌لر یوقلیگی نی، لوگر ولایتی کسل‌خانه‌سیده‌گی اساسی قیین‌چیلیک‌لردن عنوان قیلگن.
بیزلرنینگ فیسبوک صحیفه‌میزگه باش اورینگ!
طلامحمد نینگ ایتیشیچه: «پل‌علم شهری دوشنبه نینگ بخش‌آباد قیشلاغیدن کیلگن‌مین. بو کسل‌خانه‌ده کوپینچه قیین‌چیلیک‌لر بار و کسل‌خانه هم کیچیک دیر. بو کسل‌خانه نینگ کینگه‌یشی، بستر اتاق‌لری کوپه‌یشی و یخشی‌راق دوالنیش زمینه‌سی یره‌تیلیشی نی ایسته‌یمین.»
باشقه بیر تاماندن، نائب امین‌الله خان لوگری کسل‌خانه‌سیده‌گی شفاکارلردن گل‌سلام برکی نینگ ایتیشیچه، اوشبو کسل‌خانه بیر تومن سطحی‌ده قوریلگن؛ بیراق حاضر ایسه ساغلیق‌نی سقلش ریاستی مذکور کسل‌خانه‌دن بیر ولایت بویلب قوللنه‌دی.
مذکور شفاکار نینگ کوپه‌یتیریشیچه، کونده ۱۲۰۰ کسل بو کسل‌خانه گه دوالنیش اوچون مراجعت قیله‌دی. اونگه کوره، اولر طبی اوسکونه‌لر و ییر کملیگی قیین‌چیلیگی بیلن روپه‌ره‌لر.
جناب برکی نینگ اورغولشیچه، بو قیین‌چیلیک‌نی ساغلیق‌نی سقلش وزیرلیگی و خلق‌ارا نهاد‌لر بیلن شریک قیلگنلر و اینگ یقین‌ده بو قیین‌چیلیک نینگ حل بولینیشی ممکن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اوشبو قیین‌چیلیک نی نیچه مرته ساغلیق‌نی سقلش وزیرلیگی و خلق‌ارا نهاد‌لر بیلن شریک قیلگن‌میز. بیر قطار قیین‌چیلیک‌لر حل بولگن؛ بیراق مذکور کسل‌خانه بناسی قیین‌چیلیگی حلی اوچون حاضرگچه هیچ بیر ایش صورت تاپمه‌گن. اوشبو کسل‌خانه گه کسل‌لر نینگ کیلیب-کیتیشی کوپ دیر و بوگون جریانیده ۱۲۰۳ کیشی مراجعت قیلگن.»
شونینگدیک لوگر ساغلیق‌نی سقلش ریاستی، نائب امین‌الله خان لوگری کسل‌خانه‌سی نینگ ستندرد بناسی یوقلیگی و شفاکارلر آرقه‌لی کوپ قیین‌چیلیک بیلن کسل‌لر نینگ درمان قیلینیشی نی قبول قیله‌دی.
نائب امین‌الله خان کسل‌خانه‌سی، ۱۵۰ بستر گه ایگه بولیب و پلم‌علم شهری‌دن کسل‌لر نینگ کیلیشی گه علاوه، کسل‌لر محمد‌آغه، برکی برک، خوشی، چرخ و خروار تومن‌لریدن هم دوالنیش اوچون اوشبو کسل‌خانه گه مراجعت قیله‌دیلر.
