لوگر مرکزی و اوزاق تومن‌لر یشاوچیلریدن قطاری نینگ ایتیشلریچه، قابلهلر آرقه‌لی آنه‌لر گه وقتیده درمانی خذمت‌لر ارائه بولینیشی سبب، اوشبو ولایت‌ده آنه‌لر و چقه‌لاق‌لر اولیمی میزانی کمه‌یگن دیر.
لوگر مرکزی پل‌علم شهری یشاوچیلریدن شایسته نینگ ایتیشیچه، پل‌علم شهری‌ده‌گی درمانی مرکزلرده حامله عیاللر گه درمانی خذمت‌لر ارائه‌سی، اوتگن ییل‌لر گه قره‌گنده یخشی‌لنگن.
اونینگ کوپه‌یتیریشیچه: «قابلهلر فعالیتی اوچون، عیاللر نینگ ساغلیق قیین‌چیلیگی کمه‌یگن. حاضر ایسه تومن‌لردن قطاری‌ده قابلهلر بار؛ بیراق فایده‌لنیش امکانیتی آز و اوزاق تومن‌لرده هم درمانی مرکزلر قوریلیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
شونینگدیک لوگر یشاوچیلریدن باشقه بیری صدف صالح نینگ ایتیشیچه، درمانی خذمت‌لردن کوپراق فایده‌لنیلیشی اوچون، اوزاق تومن‌لرده درمانی مرکزلر و قابلهلر سانی کوپه‌یتیریلیشی کیره‌ک.
اونینگ کوپه‌یتیریشیچه: «قابلهلر فعالیتی عیاللر اوچون اونملی دیر، عیاللر جمعیت نینگ ۵۰ فایزی نی تشکیل بیره‌دی و اوشبو عیاللر کسل‌لیک‌لری نینگ دوالنیشی اوچون چیکلاو‌لر و فرهنگ سبب، ایرکک شفاکارلر یانیگه بارمه‌یدیلر؛ عیاللر قابلهلر و عیال شفاکارلر یانیگه باره‌دیلر.»
مذکور ولایت یشاوچیلری ساغلیق‌نی سقلش وزیرلیگی و خلق‌ارا نهاد‌لردن حامله عیاللر گه یخشی خذمت‌لر ارائه بولیشی و اولر نینگ اولیمی میزانی کمه‌یشی اوچون، لوگر ولایتی اوزاق تومن‌لریده قابلهلر و درمانی مرکزلر سانی نینگ کوپه‌یتیریلیشی نی ایسته‌گنلر.
باشقه بیر تاماندن، لوگر ده قابلهلردن قطاری نینگ ایتیشلریچه، کسل‌لر گه وقتیده درمانی خذمت‌لر ارائه بولیشی سبب، درمانی مرکزلر گه عیاللر نینگ مراجعت قیلیشی اوتگن ییل‌لر گه قره‌گنده کوپه‌یگن.
محمد‌آغه تومنی‌ده قابلهلردن سیده هاشمی نینگ ایتیشیچه، کسل‌لر مراجعت میزانی کوپهیشی گه علاوه، شونینگدیک قابلهلر گه اولر نینگ ایشانچی هم کوپه‌یگن دیر.
اونینگ کوپه‌یتیریشیچه: «اوزاق منطقه‌لرده قابلهلر سانی آز دیر و اهالی اینیقسه کسل‌لر بو بولیم‌ده قابلهلر بیلن همکارلیک قیلیشی کیره‌ک؛ چونکه قابلهلر اوی و حیات‌لری نی قوییب و کسل‌لر گه درمانی خذمت‌لر ارائه‌سی اوچون ایشله‌یدیلر.»
سیده هاشمی نینگ اورغولشیچه، قابلهلر معاش کم‌لیگی و ایش کوپ‌لیگی قیین‌چیلیگی بیلن روپه‌ره بولگنلری بیرحالده، بیراق اوشبو ولایت یشاوچیلری گه وقتیده درمانی خذمت‌لر نی ارائه قیله‌دیلر.
شونده‌ی بیرحالده، لوگر ساغلیق‌نی سقلش ریاستی مسئوللری نینگ ایتیشلریچه، حاضر ایسه مذکور ولایت‌ده درمانی مرکزلرده ۱۰۰دن آرتیق قابله ایش بیلن شغللنیب و قابلهلر سانی نینگ کوپهیشی اوچون سعیوحرکت نینگ دوامی بار.
بیزلرنینگ فیسبوک صحیفه‌میزگه باش اورینگ!
لوگر ساغلیق‌نی سقلش باشلیغی سیدالرحمان قادری نینگ ایتیشیچه، ساغلیق‌نی سقلش وزیرلیگی خلق‌ارا نهادلر همکارلیگیده اوشبو ولایت نینگ اوزاق تومن‌لریده قابلهلر سانی نینگ کوپه‌یتیریش اوچون سعیوحرکت قیلماقده‌لر.
اونینگ کوپه‌یتیریشیچه: «درمانی خذمت‌لر عرضه‌سی خصوصیده قابلهلر فعالیتی نینگ تاثیری بار؛ انه شوو سبب آنه‌لر و چقه‌لاق‌لر اولیمی میزانی کمه‌یگن. اوزاق قیشلاق‌لرده درمانی خذمت‌لر ارائه‌سی اوچون اوشبو قابلهلر ییترلی ایمس؛ بو قیین‌‌چیلیک حلی اوچون سعیوحرکت قیلماقده‌میز.»
عین حالده، ساغلیق‌نی سقلش وزیرلیگی نینگ اعلام قیلیشیچه، افغانستان ده درمانی خذمت‌لر ارائه‌سی، اوتگن ییل‌لر گه قره‌گنده یخشی‌لنگن و اوشبو نهاد یشاوچیلر نینگ برابر شکلده درمانی خذمت‌لردن فایده‌لنیشلری اوچون تلاش قیلماقده‌لر.
