ارزگان ساغلیق‌نی سقلش مسئوللری نینگ ایتیشلریچه، یاردم بیرووچی موسسه‌لر همکارلیگی بیلن، اوشبو ولایت نینگ اوزاق منطقه‌لریده بیر قطار ساغلیق مرکز ایجاد قیلگنلریدن کیین، آنه‌لر و چقه‌لاق‌لر اولیمی میزانی کمه‌یگن دیر.
ارزگان ساغلیق‌نی سقلش مسئوللری گه کوره، آنه‌لر و چقه‌لاق‌لر اولیمی میزانی نی صفر گه ییتیشتیریش مقصد، سعی و حرکت نینگ دوامی بار.
بیزلرنینگ «ایکس» ترماغی ده هم تعقیب قیلینگ!
مذکور ولایت ساغلیق‌نی سقلش باشلیغی محمد‌الله روحانی نینگ سلام‌وطندار گه ایتیشیچه: «ارزگان ولایتی نینگ بوتون منطقه‌لریده B P H S یاده اورتیگل دستورلری بار، عیال شفاکار یا-ده قابله‌سیز بیرته کلینیک هم موجود ایمس، برچه کلینیک‌لر گه ولادت خذمتلری ترقه‌تیله‌دی، انه شو سبب آنه و چقه‌لاق‌لرنی اولیمی میزانی اوتمیش‌لرگه نسبتن کمه‌یگن.»
شونده‌ی بیرحالده، ارزگان ولایتی اوزاق منطقه‌لر یشاوچیلریدن قطاری، آنه‌لر و چقه‌لاق‌لر اولیمی میزانی کمه‌یگنی نی قبول قیلیب بیراق ایتیشلریچه، ساغلیق مرکزلر نینگ اوزاق‌لیگی، یوللر خراب‌لیگی و اهالی نینگ اقتصادی قیین‌چیلیکلری سبب، حاضرگچه آنه‌لر و چقه‌لاق‌لر حیاتی قیین‌چیلیک بیلن روپه‌ره دیر.
اولر، ارزگان ساغلیق‌نی سقلش مسئوللریدن اوزاق منطقه‌لرده ساغلیق خذمت‌لر کوپه‌یشی نی ایسته‌گنلر.
ارزگان ولایتی چنارتو تومنی یشاوچیلریدن محمد‌رسول نینگ ایتیشیچه: «اوزاق منطقه‌لر نینگ یولی خراب، حکومت نینگ بو توغریده توجه قیلیشی کیره‌ک، حکومت بو توغریده توجه قیلمه‌گنی صورت‌ده، قشاق کیشی‌لر نینگ کوچی ییتیشمه‌یدی، نه موتر بار و نه موترسیکیل.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو ولایت گیزاب تومنی یشاوچیلریدن نورمحمد نینگ ایتیشیچه: «اسلام امیرلیگی‌دن بو ییرده کلینیک قوریلیشی، ملکه‌لی شفاکارلر نینگ کیلتیریلیشی، دارو و ساغلیق اوسکونه‌لر نینگ درست شکلده بولیشی و یوللر نینگ قیته قوریلیشی نی ایسته‌یمیز.»
ارزگان ساغلیق‌نی سقلش ریاستی نینگ معلوماتی اساسیده، ۲۵ کلینیک یانیده، نیچه مدت‌دن بویان باشقه ۵۶ درمانی مرکز اوشبو ولایت نینگ اوزاق تومن‌لر یشاوچیلری گه ساغلیق خذمت‌لر نی ارائه قیله‌دی.
