خوست ولایتی مرکزی نینگ ۱۴ کیلومترلیگی‌ده جایلشگن «غرشین» منطقه یشاوچیلری گه کوره، حاضرگچه دستلبکی امکانیت‌لردن فایدهلنه آلمه‌ی، کوپینچه قیین‌چیلیک بیلن روپه‌ره‌لر.
اولر گه کوره، اوتگن اوروش‌لر نتیجه‌سیده مذکور منطقه‌ده‌گی مکتب و کسل‌خانه بنا‌لری ویران بولیب و حاضر ایسه اوشبو ویرانه‌لرده ایکی عایله حیات کیچیرماقده دیر.
غرشین منطقه یشاوچیلری نینگ ایتیشلریچه، مذکور منطقه‌ده قریب ۶۰۰ عایله حیات کیچیریب و اولردن برچه‌سی دستلبکی ساغلیق امکانیت‌دن فایدهلنه آلمه‌ی و باله‌لری ایسه تعلیم امکانیتی گه قول تاپیشدن محروم دیر.
بیزلرنینگ فیسبوک صحیفه‌میزگه باش اورینگ!
اولر گه کوره، بو منطقه نی شهر گه باغله‌یدیگن عمومی سرک بوزوق دیر و اولر شهر گه باریب-کیلیش خصوصیده قیین‌چیلیک بیلن روپه‌ره‌لر.
غرشین منطقه یشاوچیلریدن محمد‌ولی شاه، اوشبو منطقه قیینچیلیکلری نی بیان قیلیب ایتیشیچه: «بیرینچی قیین‌چیلیگی‌میز کسل‌خانه دیر. هر ییر گه باریب قیین‌چیلیگی‌میز نی ایتدیک، حتا وزیرلیککه باردیک، بیراق هیچ کیم قیین‌چیلیگی‌میز نی حل قیلمه‌دی. ایکینچی قیین‌چیلیگی‌میز مکتب دیر. قیز و اوغیل‌لریمیز درخت‌لر آستیده درس اوقیدیلر و آلتینچی صنف نی بیتیرگنلریدن کیین، گدو خرو اسم‌لی اوزاق منطقه گه باره‌دیلر.»
شونینگدیک اوشبو منطقه‌ده‌گی یشاوچیلردن باشقه بیری اسماعیل نینگ ایتیشیچه: «بو ییرده کسل‌خانه بار، لیکن بوزیلگن و هیچ قنده‌ی توجه صورت تاپمه‌گن. قیین‌چیلیک‌لریمیزدن باشقه بیری سوو قیین‌چیلیگی دیر، سوو جوده‌یم کم دیر. شونینگدیک سرک‌لر هم خراب. بوتوغریده دولت هیچ قنده‌ی توجه قیلمه‌گن و هیچ کیم سیسی‌میز نی ایشیتمه‌گن.»
خوست ولایتی غارشین منطقه یشاوچیلری، کسل‌خانه و مکتب بنا‌لری بوزوق‌لیگی یانیده، پاک ایچیم‌لیک سوودن فایدهلنه آلمسلیکلری نی بیان قیلیب ایتیشلریچه، اهالی اقتصادی قیین‌چیلیکلر سبب، چوقور قودوق قازه آلمه‌یدی.
شونده‌ی بیرحالده، خوست ولایتی محلی مسئوللری اوشبو منطقه یشاوچیلری نینگ قیینچیلیکلری نی قبول قیلیب و اولر نینگ حل بولینیشی خصوصیده سوز بیرگنلر.
مسئوللر گه کوره، مذکور منطقه‌ده‌گی کسل‌خانه، منطقه آق ساقال‌لری و عالم‌لر کینگشی مصلحتی بیلن باشقه بیر ییر گه انتقال تاپگن.
بیزلرنینگ «ایکس» ترماغی ده هم تعقیب قیلینگ!
خوست حاکمی اورین‌باسری محبوب‌شاه قانت نینگ ایتیشیچه: «بیزلر اولردن سوره‌ب و بو ایش اوچون بیر کمیته تعیین قیله‌میز که تیکشیرسینلر. حاضرگی قیین‌چیلیکلر اوچون حل یول تاپسین‌لر و بیزلر بو زمینه نی اولر گه یره‌ته‌میز.»
غرشین منطقه یشاوچیلری نینگ ایتیشلریچه، اوتگن ۲۰ ییل‌ده بو منطقه‌ده اهالی حیاتی خصوصیده ایجابی تغییر کیلتیره‌دیگن هیچ بیر رواجلنیش لایحه عمل گه آشیریلمه‌‌گن.
