Asset 1SWN

بامیان ده چنغی‌چیلر امکانیت کم‌لیگی‌دن شکایت قیله‌دیلر

1

بامیان، اوتگن بیر دهه‌ده قیش سپورت‌لری اینیقسه چنغی (اسکی) مسابقه‌لری و فیستیوال‌لر گه میزبانلیک قیلگن ولایت دیر؛ بیراق بو ییل قیش موسومی باشلنگنیدن قریب ایکی آی اوتگنی بیلن، حاضرگچه اوشبو ولایت‌ده هیچ بیر مسابقه اوتکزیلمه‌گن. اوشبو بولیم سپورت‌چیلری، امکانیت‌سیزلیک و حمایتچی یوقلیگینی اوشبو مسابقه‌لر اوتکزیلمسلیک عاملی عنوان قیله‌دیلر.

ییتی ییل‌دن بیری چنغی تمرین قیلیب کیلگن سپورتچی خان‌علی احمدی نینگ ایتیشیچه، اوتگن ییل‌لر تمرین‌لری ۲۰-دلو باشله‌نیب و حوت آیی اورته‌لری‌گچه دوام قیلر ایدی و اوشبو مدت‌ ده نیچه دور مسابقه هم یولگه قوییلردی؛ بیراق بو ییل تمرین‌لری باشله‌نیشیدن هیچ بیر خبر یوق. اونینگ کوپه‌یتیریشیچه: «بامیان ده چنغی‌چیلر ییترلی امکانیت یوق‌لیگی سبب، اوشبو سپورت نی دوام بیره آلمه‌گنلر.»

بامیان‌لیک چنغی‌چیلر نینگ ایتیش‌لریچه، یوقاری تیپه‌لر گه چیقیش اوچون لیفت، چنغی تخته‌سی (اسنوبورد)، کفش و اوشبو سپورت نینگ مخصوص عینکی کبی امکانیت‌لر نیاز دیر؛‌ بیراق اولر گه کوره، نیچه ییل آلدین بعضی تشقی موسسه‌لر‌ تامانیدن نیچه چنغی تخته‌سی یاردم بیریلگن ایدی که اوندن باشقه هیچ نرسه گه قول تاپه آلمه‌گنلر.

بیزلرنینگ توییترده هم تعقیب قیلینگ!

شونینگدیک سپورت‌چیلردن باشقه بیری رحیم‌ عطایی‌زاده نینگ ایتیشیچه: «چنغی دنیا‌ده مصرف‌لی بیر سپورت دیر. حاضر ایسه بامیان ده چنغی‌چیلردن بیر آزی دستلبکی امکانیت‌لر گه قول تاپه آلگنلر. اوشبو سپورت بامیان‌ ده‌گی ییگت‌لر آره‌سیده کوپینچه علاقه‌مندی بار؛ بیراق امکانیت یوقلیگی و حاضرگی حکونت و موسسه‌لر تامانیدن حمایت‌ بولمه‌یشی، تمرین‌لر نینگ یولگه قوییلیشی گه توسیق بولگن.»

شونده‌ی بیرحالده، بامیان چنغی فدراسیون مسئولی سید‌باقر حیدری نینگ سلام‌وطندار گه ایتیشیچه، امکانیت‌لر نینگ آزلیگی و قار یاغمه‌یشی، بو ییل قیش موسومی‌ده اوشبو سپورت نینگ کم‌رنگ بولگنی گه سبب بولگن.

اونینگ کوپه‌یتیریشیچه: «بامیان ده سپورت امکانیت‌لری آز دیر. باشقه بیر تامان‌دن هم افغانستان بازار‌لریده اوشبو سپورت نیازلری تاپیلمه‌یدی و تاپیلنی صورت‌ده هم کوپ قیمت دیر که، سپورت‌چیلر نینگ کوچلری ییتیشمه‌یدی.»

جناب حیدری مسئوللردن سپورت‌چیلر اوچون مالی حمایت بولیش اوچون تجهیزات فراهم قیلیب و مسابقه‌لر یولگه قوییلیشی اوچون زمینه یره‌تیلیشی نی ایسته‌گن.

بامیان ده عیال چنغی‌چیلر: اسلام امیر‌لیگی چنغی‌چیلر گه رخصت بیرینگ

باشقه بیر تامان‌‌دن، بامیان ده عیال چنغی‌چیلردن قطاری اسلام امیر‌لیگی‌دن مذکور سپورت بولیمی‌ده تمرین قیلیش‌لری اوچون رخصت بیریلیشی نی ایسته‌یدیلر. اولر نینگ ایشانچ‌لری گه کوره، چیکلاو‌لر نینگ دوام تاپگنی مذکور ولایت‌ده سپورت‌چیلر نینگ دل‌سرد بولیشی و مهاجرت قیلیش‌لری گه سبب بولیشی ممکن.

بامیان ده عیال چنغی‌چیلردن بیری محدثه بازل نینگ ایتیشیچه، سیاسی اوزگریش‌لردن کیین، او و باشقه هم‌قطار‌لری سپورت قیلیش گه دوام بیره آلمه‌گنلر.

اونینگ کوپه‌یتیریشیچه: «ینه قیزلر نینگ سپورت گه دوام بیریب و تمرین قیلیش‌لری خصوصیده امید‌وار‌مین. اسکی سپورت‌چیلریدن قطاری جمله‌دن عیال‌لر سیاسی اوزگریش‌لردن کیین مملکت‌دن تشقی گه مهاجرت قیلگنلر. اسلام امیر‌لیگی‌دن عیال‌لر گه سپورت قیلیش اوچون رخصت بیریلیشی نی ایسته‌مین.»

عین حالده، بامیان سپورت آمریت مسئوللری، اوشبو ولایت‌ده چنغی‌چیلر برابریده‌گی قیین‌چیلیک‌لر نی تصدیق‌لب ایتیشیچه، یقین کیله‌جک‌ده نیچه مسابقه نینگ یولگه قوییلیشی ممکن.

بیزلرنینگ فیسبوک صحیفه‌میزگه باش اورینگ!

بامیان سپورت آمری ضیاءالدین بیگ‌زاد نینگ سلام‌وطندار گه ایتیشیچه، چنغی‌چیلر اوچون ییترلی قار یوقلیگی سبب، حاضرگچه هیچ بیر مسابقه یولگه قوییلمه‌گن. اونینگ کوپه‌یتیریشیچه: «آلتی ولایت آره‌‌سیده مسابقه‌لر بار و هر ولایت‌دن ‍۱۲ کیشی حضور تاپه‌دی که ۷۲ سپورت‌چی ثبت بولگن. یالغیز قار یوق‌لیگی بیزلر نی قیین‌چیلیک بیلن روپه‌ره قیلگن، باشقه هیچ بیر قیین‌چیلیک یوق. بیزلر بامیان بویلب چنغی مسابقه‌لری گه میزبان‌لیک قیلیش اوچون کامل تیار‌گرلیگی‌میز بار.»

بامیان سپورت آمری نینگ کوپه‌یتیریشیچه، مذکور آمریت‌ده ۲۶۰ چنغی‌چی ثبت بولگن که، اونگه کوره، چنغی نیازلری خصوصیده تاسیس‌لر و امکانیت‌لر اولر نینگ اختیار‌لریده قرار بیریلمه‌گن.

بامیان مملکت مرکزی‌ده گردشگر‌لیک اوچون جاذبه‌لی دیر که، ییل نینگ بوتون موسوم‌لریده ایچکی و تشقی سیاحت‌چیلردن قطاری نی میزبان‌‌لیک قیله‌دی. چنغی سپورتی قیش موسومی‌ده اوشبو ولایت سیاحت‌چیلری نینگ باشقه جاذبه‌لریدن دیر.

عیم حالده، بامیان‌ ده بوندن آلدین سویس، سویدن، آسترالیا، کانادا، آلمان و بریتانیا کبی تورلی مملکت‌لردن سپورت‌چیلر نینگ اشتراکی بیلن تورت ملی مسابقه و آلتی خلق‌ارا مسابقه یولگه قوییلگن.

مرتبط با این خبر:

کلیدی کلمه‌لر: // // // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام