بادغیس ولایتی مُقر، قادس و جوند تومنی‌لری نینگ یشاوچیلری و هیداوچی‌لریدن قطاری اوشبو ولایت مرکزی و تومنلری ارا قتناو یوللری نینگ بوزوق‌لیگیدن شکایت قیلیب و ایتیش‌لریچه، اوشبو یول‌لردن سفر قیلگنلری پیتده کوپینچه قیین‌چیلیک و خطرلر بیلن روپه‌‌رو بوله‌دیلر.
اولر نینگ سلام‌وطندار گه ایتیش‌لریچه، ییل‌لردن بیری اوشبو سرک‌لر نینگ قیته توزه‌تیلیشی زمینه‌سیده مسئوللر تامانی‌دن هیچ قنده‌ی بیر توجه صورت تاپمه‌گن و کوپینچه مورد‌لرده عاجل کسل‌لر بو یول‌ده اوله‌دیلر.
بیزلرنینگ توییترده هم تعقیب قیلینگ!
قادس تومنی یشاوچیلریدن بیری نظر‌محمد نینگ ایتیشیچه: «سرک‌لر خامه دیر، خوفلی دیر و کوپ قیین بیرشکلده اوتیب-قیته‌میز. یولاووچیلر نینگ یول آره‌سیده موتر‌دن توشیره‌دیلر. عاجل کسل‌لردن بیر قطاری داکتر گه ییتیشه‌آلمه‌ی یول‌ده جان بیره‌دی. کسل‌لردن باشقه بیر قطاری ایسه غور گه انتقال بیریله‌دی.»
شونینگدیک قادس قلعۀ‌نو یولی‌ده‌گی هیداوچیلردن بیری عبدالله نینگ ایتیشیچه، یوللر نینگ بوزوق‌لیگی باعث، بیر ساعت‌لیک یول نی کوپ قیین بیرشکلده اوچ ساعت‌ده و کوپینچه خره‌جت بیلن طی قیله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بادغیس عامه ساغلیک ریاست مسئوللری اوشبو ولایت تومن‌لری‌ده‌گی یوللری نینگ بوزیقلیگی نی قبول قیلیب و ایتیش‌لریچه، اولر یولاوچیلر و هیداوچیلر نینگ قیین بیرشکلده اوتیب- قیته‌دیگن یوللری نی قیته قوریلیشی اوچون سعی و حرکت قیلماقده‌لر.
قادس، جوند و مُقر تومنلری اوشبو ولایت مرکزی‌دن ۱۵۰ الی ۲۵۰ کیلومتر فاصله‌سی بار. شونینگدیک اوشبو تومن‌لر یشاوچیلری نینگ ایتیش‌لریچه، مذکور یوللر نینگ بوزوق‌لیگی و اوزاق‌لیگی باعث، شونینگدیک کرایه و دستلبکی ماده‌لر بهاسی یوقاری دیر.
