پروان ولایتی‌ده شهید‌لر عایله‌لری و ناگران‌لردن قطاری حقلری توللنمه‌یشی خصوصیده شکایت قیلیب و ایتیش‌لریچه، بو ییل شهید‌لر و ناگران‌لر ریاستی‌ده مینگ‌لرچه کیشی نینگ حق و امتیازی بیریلمه‌گن.
پروان ولایتی‌ده‌گی ناگران‌لردن عبدالسلام نینگ ایتیشیچه، جبل‌السراج تومنی‌دن شهید‌لر و ناگران‌لر ریاستی گه تیزلیک بیلن عریضه‌سی نی ییتیشتیریش اوچون ایرتنگ ساعت ۴ده حرکت قیلگن، بیراق ناگران‌لر امتیازلری نینگ شرایطی گه برابر بولمه‌گنی بیان بولگن.
او، شهید‌لر و ناگران‌لر ریاستی‌دن تنقید‌لب و ایتیشیچه، نیازمند کیشی‌لر نینگ تانیلیشی اوچون بیر کمیته ایجاد بولیشی کیره‌ک.
بیزلرنینگ توییترده هم تعقیب قیلینگ!
ناگران‌لردن باشقه بیری ۸۲ یاشر شمع‌ریز نینگ ایتیشیچه، بوندن آلدین هر ییل حقوقی نی آله‌ر ایکن، لیکن حاضر ایسه امتیازی کیسیلگن.
اونینگ ایتیشیچه: «غریب بیر آدم‌مین بو ییرگه کیلیش مصرفی اوچون بیر کیشی‌دن قرض آلدیم. شوروی دورانی‌ده ناگران بولدیم و ناگران بولگنیم اوچون جمهوریت توزومی‌ده حقیم نی آله‌ر ایدیم و حاضر هم آلیشی‌میز کیره‌ک. امتیاز آلمه‌گنیمیز پیتده، نیمه ایه‌یلیک، ایش قیله آلمه‌یمیز و اوی‌ده هم یاش بیر سرپرستی‌میز یوق. مجبور تیلنچی‌لیک قیله‌یلیک.»
شونده‌ی بیرحالده، شهید‌لر و ناگران‌لر مسئوللری اوشبو موضوع نی رد قیلب و ایتیش‌لریچه، ناگران‌لر و شهید‌لر وزیرلیگی نینگ طرزالعملی اساسیده، اصلی نیازمند‌لر تانیلیش پروسه‌سی صورت تاپگن. اولر نینگ ایتیش‌لریچه، اوشبو پروسه یالغیز پروان ولایتی‌ده تطبیق بولمه‌گن؛ بلکیم مملکت نینگ بوتون ولایت‌لریده اجرا بولگن دیر.پروان ولایتی نینگ ناگران‌لر و شهید‌لر ریاست رئیسی عبدالاحد سعد نینگ سلام‌وطندار گه ایتیشیچه، سابق حکومت‌ده جعل اساسیده کوپینچه کیشی امتیاز توللش سیستمی گه شامل بولگن ایکن.
اونینگ کوپه‌‌یتیریشیچه، کمیده ۶۵۰۰ ناگران‌دن ۳۰۰۰ گه یقین کیشی حق آلیش شرایطی گه برابر تانیلگن. اونگه کوره، ناگران‌لر حقوقی و امتیازی اوچ کتگوری‌ده توللنه‌دی که اوشبو امتیاز بیر آی‌ده ۳ مینگ‌دن باشلنیب ۸مینگ افغانی گه ییتیشه‌دی.
بیزلرنینگ فیسبوک صحیفه‌میزگه باش اورینگ!
جناب سعد گرچند شهید‌لر وارثی نینگ رقمی خصوصیده معلومات ارایه قیلمه‌گن، بیراق ایتیشیچه، شونینگدیک بو مورد اسلامی امارت نینگ ینگی پالیسی‌سی اساسیده عمل گه آشیریلیشی ممکن.
پروان ناگران‌لر و شهید‌لر ریاست رئیسی نینگ تاکید قیلیشیچه، جمهوریت توزمی‌ده و حاضر اسلامی امارت توزومی‌ده دولتی وظیفه‌سی بولگن ناگران‌لر، شهید‌لر و ناگران‌لر امتیازی گه شامل بولمه‌یدیلر.
ایش بیلرمان‌لر نینگ ایشانچ‌لری گه کوره، فرصت طلب کیشی‌لر نینگ آلدی آلینگنی صورت‌ده، نیازمند کیشی‌لر نینگ امتیازلری وقتی‌ده پرداخت بوله‌دی.
