هلمند یشاوچیلری دن بیرقطاری نینگ ایتیشلریچه، اوشبو ولایت مرکزی لشکرگاه شهری نی ناوه، گرمسیر، خانشین و بهرامچه تومن‌لری گه باغله‌یدیگن ۳۰۰ کیلومترلیک یول بوزیلگن و بو مسئله اولرنی ایریم قیینچیلیک‌لر بیلن روپه‌ره قیلگن.
اوشبو یول دن قتنه‌یدیگن یولاوچیلردن قطاری گه کوره، یول بوزوق‌لیگی باعث قتنش خوفلی دیر و ایریم پیت‌لر هیداوچیلر یول گه اده‌شه دیلر. اولر نینگ ایتیشلریچه، یولاوچیلر و هیداوچیلر اوز یوللرینی تاپیش اوچون «بنادر» منطقه‌سیدن گرمسیر و بهرامچه تومن‌لری گه قدر، ینگی‌لیکده چراغ‌لر قوندیریلگن.
بیزلرنینگ فیسبوک صحیفه‌میزگه باش اورینگ!
اوشبو یول دن قتنه‌یدیگن یولاوچیلردن عبدالغنی گه کوره: «بو یول خوفلی دیر. ینگی چراغ‌لر قوندیریلیشینی خوش قرشی له‌ی میز؛ بیراق بو یول قیته قوریلیشی لازم. هیداوچیلر هردایم یول گه اده‌شه دیلر. شونی اوچون اوشبو یول قیته قوریلیشی درکار.»
باشقه تاماندن، یوک تاشووچی موتر هیداوچیلردن بیرقطاری مذکور یول بوزوق‌لیگی دن نالیب ایتیشلریچه، سفرلری ساعت‌لر و حتا تون_کون دوام قیلیب و موترلری نینگ بوزیلیشی گه سبب بوله‌دی.
خدای‌نظر نینگ ایتیشیچه: «کیچه سفر قیلگن‌من. ایکی دن سکیز کیچه گچه سفر قیلگن‌من. یول کوپ اوزاق ایریم پیت‌لر موتر بوزیلگن و ایریم پیت‌لر آچ و سوو سیز قالگن من.»
موتر هیداوچیلردن باشقه بیری عبدالجبار گه کوره: «یول جوده هم بوزوق دیر. بو یول قیته قوریلسه یخشی بوله‌دی. موترلری‌میز بوزیله‌دی. ایسی و کورمیل‌لری سینه‌دی. موتر قیینچیلیک تاپسه توختش گه مجبور بوله‌میز.»
بیزلرنینگ «ایکس» ترماغی ده هم تعقیب قیلینگ!
عین‌حالده، هلمند محلی مسئوللری نینگ ایتیشلریچه، سونگی ایکی ییل ده بنادر دن گرمسیر و بهرامچه تومن‌لری آره‌لیغیده یالغیز اوچ کیشی یوقالگن. اولر، مذکور یول نینگ قیته قوریش اوچون سعی‌وحرکت قیله‌یاتگن‌لری دن ایشانچ بیره‌دیلر.
هلمند معلومات و مدنیت ریاستی اورین باسری محمدقاسم ریاض نینگ سلام‌وطندار گه ایتیشیچه: «بو مسئله فواید عامه وزیرلیگی رسمی‌لری بیلن شریک قیلینگن. حقیقتن بو عمومی قیینچیلیک دیر؛ بیراق بو سرک توزه‌لیشی درکار، یقینده اساسی شکلده توزه‌تیش اوچون سعی‌وحرکت قیله‌یپمیز.»
گرچند، اوشبو یول ده لادرک بولگن‌لر نینگ سانی بیللی بولمسه ده؛ بیراق معلومات‌لر گه بناً، بو یول ده لادرک بولگن یولاوچیلر دن قطاری وفات ایتگنلر.
