مملکت نینگ شمال و شمال‌شرقی نیچه ولایتی نی پایتخت بیلن وصل قیله‌دیگن سالنگ قتناو یولی، مسئوللر نینگ توجه‌سیزلیگی باعث، تخریب بولگن دیر. یولاووچیلر و هیداوچیلردن قطاری اوشبو قتناو یول خصوصیده حکومت نینگ توجه‌سیزلیگی‌دن تنقید‌لب ایتیشلریچه، یول بوزوقلیگی و گوجوم‌لیگی سبب، مذکور قتناو یولدن اوتیب-قیتیش خصوصیده کوپینچه قیین‌چیلیک بیلن روپه‌ره بولگنلر.
اولر گه کوره، یول نینگ بوزوقلیگی گه علاوه، شونینگدیک تاش کومیر انتقال بیره‌دیگن یوک تاشووچی موترلر نینگ توخته‌یشی، اولرنی یول توسیلیش قیینچیلیگی‌گه روپه‌ره قیلگن. بو توغریده یولاوچیلردن بیری محمد‌حسین نینگ ایتیشیچه: «اوتگن کون کیلدیم. سالنگ‌‌ده کوپینچه قیین‌چیلیک موجود ایدی، یول بوزیق، تاش کومیر موترلر یول توسیلیشی گه سبب بولگن، یولاوچی تاشووچی بیر موتر ساعت‌لرچه کیچ قاله‌دی.»
بیزلرنینگ فیسبوک صحیفه‌میزگه باش اورینگ!
سالنگ قتناو یولیده‌گی هیداوچیلردن حق‌نواز نینگ سلام‌وطندار گه ایتیشیچه: «حوت آیی‌دن حاضرگچه تاش کومیر انتقال بیریلیشی باشلنگنیدن بیزی، یول توسیلیشی بیحد کوپه‌یگن. بیر کون کابل موترلری گه یول آچیله‌دی و بیر کون هم مزار موتری گه، اوتمیش‌ده ۵۵۰ افغانی کمیشن آلینه‌ر ایدی، حاضر ایسه ۱۱۵۰ افغانی آله‌دیلر. قنچه پول ایستسه‌لر آله‌دیلر. قیین‌چیلیک‌لریمیز نی حل بولیشی کیره‌ک.»
اسلامی امارت نیچه مدت آلدین اوشبو قتناو یول گه جغل تشلب و قیته توزه‌تگن ایدی، بیراق اوشبو یولدن اوتیب-قیته‌دیگن هیداووچیلر نینگ ایتیشلریچه، درست مدیرت بولمه‌گنی اوچون سرک‌لر یانی گه سوو کیلیشی سبب، اوشبو قتناو یول بوزیلگن دیر.
هیداوچیلردن بیری متین نینگ ایتیشیچه: «اوتمیش ۵ کون‌ده کابل گه بارسه‌ک، حاضر ایسه ۱۰ کون‌ده باره‌میز. یول نینگ بوزیق‌لیگی سبب، موترلر هر مرته بوزیله‌دی. ترکاری یوکلگن موترلر نینگ محصوللری یولده خراب بوله‌دی.»
بیزلرنینگ توییترده هم تعقیب قیلینگ!
شونده‌ی بیرحالده، عامه فواید وزیرلیگی اوشبو قیین‌چیلیک نینگ حل بولیشی خصوصیده بیر برنامه نینگ قولگه آلگنیدن خبر بیرگن. اوشبو وزیرلیک سوزلاوچیسی حمیدالله مصباح نینگ سلام‌وطندار گه ایتیشیچه، قتناو یولگه موقتی بیر شکلده جغل تشلنگن و اساسی ایشلر اوچون، ماشین‌لر انتقال بیریلماقده و ایشلر تیزلیککه باشلنه‌دی.
هر دایم سالنگ قتناو یولیده خراب‌لیک اینیقسه یاغیش موسوم‌لرده خراب‌لیک کوپه‌یشی خصوصیده شکایتلری بولگنی بیرحالده، بیراق اوشبو قتناو یول قیین‌چیلیک‌لری حاضرگچه اساسی بیر شکلده حل بولمه‌گن. شونینگدیک حاضر ایسه اوشبو قتناو یولدن تاش کومیر موترلری نینگ اوتیب قیتیشی اوشبو قتناو یول قیین‌چیلیک‌لری نی ایکی برابر قیلگن.
